九龍香格里拉大酒店客房優惠（含雙人早晚餐）

拎房快速，無敵海景，晚餐食物豐富，但餐車唔夠熱，食完冷盤，餐車既熱盤已經涼了，有甜品但欠餐飲，如果有埋飲品更好，早餐係半自助形式。

食嘢好正！不過鵝肝欠奉，原來要五，六，日先有！ 酒店房好乾淨，張床好舒服，今次係爸媽結婚週年！ 酒店仲送咗支酒俾爸媽慶祝！

首先，Klook訂這個套餐，非常超值，另外，酒店不論房間、服務、自助餐，都是一流，無可挑剔！

家人生日，一個月前已致電酒店說要求特別安排，本人check in 當日會遲去，並留下資料讓家人先到酒店check in ，接電話職員禮貌地回應會記下，但check in 當日，完全沒作任何安排，我向櫃檯職員查詢時，對方竟然回應說沒收到任何資料，還反問我想要乜，語氣態度令人很不舒服，原本開心來為家人慶祝生日，心情為之大打折扣，本來對酒店印象頗佳，也扣了分!事後職員只在房間隨便放下一盒朱古力便了事，一句道歉也沒有!

環境舒適乾淨，地理位置優越，酒店職員態度親切，食物有質素，床也很大，會再次入住

週年紀念送玫瑰 香檳 朱古力?? 晚餐豐富但質素一般 房閒舒適 不過電視比較舊...

櫃檯員工好禮貌,詳細解釋;房間整潔,有歡迎生果同茶;自助餐好豐富,美味,美中不足係食唔到長腳蟹

Check-in時候職員幾有禮貌，而且對答流利，本身都有問題想問，結果未問出口佢已經講定咗先，客房方面住喺內園位偏側，側少少幾好唔使對正個寫字樓，房間方面仲包埋唔同類型嘅叉電線，而且Check-in左半個鐘頭到就有人送生果上嚟，可惜嘅係我冇為意佢冇浴缸，枉我仲買咗浴鹽........ 晚餐buffet 方面食物品種都算多，而且都新鮮，冷盤嘅龍蝦最高分，幾乎隻隻龍蝦都有黃，而且廚房開得好，食嘅時候基本上用叉一撩就成嚿肉起，完全可以一大啖過享受.....前提係你口要夠大 不過冇影相嘅習慣，完全唔記得咗影食物

很好的體驗 慶祝生日有蛋糕送和升級海景房間 自助餐有龍蝦、鴨肝牛扒、片皮鴨、甜品亦有多款選擇！ 職員態度親切有禮

我個人認為今次性價比非常高，特別係獲得upgrade到海景房，以景觀黎講，九香真係滿分，可惜玻璃清潔度有待改善，連影相都影得出充滿污漬。另外有提供望遠鏡又幾特別，有趣體驗。 自助餐款色選擇多，雖然冇期待中的長腳蟹，不過龍蝦爽口，鵝肝牛扒都美味。排隊時間唔長亦都安排得有條理。另外一點非常重要係自助餐冇限時，相比好多其他酒店分兩輪唔會趕。 多謝酒店送的玫瑰花同埋酒，不過迎賓水果係兩個青蘋果就比較0吸引力 總括而言，價錢優惠，如果再有offer都希望帶同家人父母參與

我地係訂3月20日豪華客房連自助晚餐+早餐，晚餐+早餐都係cafe kool食。 由check in 到離開每一位員工都好有禮貌，服務都好貼心專業。要求高層都俾到好高層?。入房唔夠5分鐘就有welcome tea，登記時要求要一對硬枕，員工用手推車加滕籃放枕頭，戴晒手套幫你放好對枕頭，好細心同專業。 自助晚餐+早餐食物種類唔太多，海洋都好新鮮，不過冇果汁汽水任飲，只跟一杯餐飲，枱上有樽水，員工會密密幫客人refill。我地會俾今次嘅經驗8.5分！

五星級服務保持一貫水準，前台Samson態度友善， 因應我們是結緍周年請求，Upgrade 了海景房及送了精美巧克力和香檳，房間大又清潔，早餐晚餐的自助餐不錯，我們過了一個非常難忘及浪漫的周年紀念，超值之選。

入住當日係我哋結婚周年，酒店超貼心送花同埋朱古力，晚上自助餐好食，食完仲可以去尖東睇燈飾添，下次我都會再入住?

一早係email request high floor, 酒店都安排到 個海景好令 係無敵大海景. Check in後酒店仲有水果同welcome tea ，係窗邊嘆茶係一種享受?

服務周到，性價比高，有賓至如歸之感！是次staycation 訂了三個房間，為了慶祝生日和周年紀念，酒店細心安排了生日蛋糕和贈送花束，還為朋友夫婦拍照留念，並送上白酒和朱古力，真的喜出望外！晚餐Café Kool更為我們一行七人安排了一個獨立房間進餐，侍應招呼周到，食物也質素很好，真的大力推薦！

訂房時同酒店講係慶祝生日 有生日蛋糕送 房間清潔大致可以 係mini bar個櫃有塵 自助晚餐質素都唔錯 龍蝦好食 但生蠔太細隻冇咩肉 整體黎講 $1650嘅package都係幾抵嘅

買了Klook套票是為了慶祝結緍周年紀念，酒店員工很有禮貌，服務一流，当酒店得知是慶祝周年紀念便送上一瓶酒和鲜花，還有替我倆公婆影相後，退房時還送上相片。至於自助餐方面都很滿意。

店員服務非常好、性價比高、嘢食一流、房間清潔、一定再去。

房間乾淨，check in唔洗等，送咗茶同蘋果，但buffet dinner因為book爆左要去同層habour房坐，行左一段路先拎到野食，星期六去要預左人多，食物都中規中矩，選擇唔算多，因為以前係呢間酒店做過，呢個價錢係符合期望的！整體來講幾好！

九龍香格里拉嘅staycation真是好正，預早通知咗酒店係慶祝結婚周年，酒店安排好好，又有意外驚喜，雖然upgrade 唔到海景房比我哋，但都安排咗行政房都已好好啦⋯⋯自助晚餐就普普通通，相比之下香港香格里拉嘅自助晚餐多嘢食啲，早餐則非常豐富，而且水準好好！

1650蚊住海景房，兼包雙人自助早、晚餐真係抵到爛！ 房有d舊，但勝在有無敵維港海景，同埋配置用品都好齊全，最值得推介係個自助晚餐，超豐富超多海鮮，龍蝦、生蠔、皇帝蟹腳、花蟹、鵝肝牛柳… 質素都好高，當晚有食客walk in價要708蚊加一，即刻覺得齋食個晚餐都回晒本。 再配合埋DBS$1抵消2蚊優惠，全數對銷，冇得輸(≧ω≦)

房內空間感十足,床很大很舒適,廁所亦很大,雖然無浴缸,但沐浴室內有一張雲石凳,几特別,房內用料高質素.望內院景,如海景便额外要付$660, 可提早check in &late check out至14：00,到埗時會送上一壺welcome tea.

房間跟廁所均很大(當然馬哥孛羅比其更大...XD) Staycation$1650(拎到Klook$100電子劵)所以實際只需$1550, 呢個消費已經完全cover Cafe Kool dinner buffet周五每位$708+10%既價錢,很多section; 自助早餐更有驚喜...多款到呢! $1550既 staycation package,實在超值得很!

員工態度親切有禮 房間舒適 海景一流 提前send email 吿知慶祝結婚週年 酒店的安排令人驚喜 自助餐安排好好 不會太多人取食物 早上的半自助早餐 對住海景 十分relax 總括嚟講 物超所值 想於Klook 再book 多次已沒有upgrade海景房 但其實就咁普通房都好抵玩

今次入住九龍香格里拉酒店感覺非常好，事前與酒店溝通慶祝週年紀念，所以酒店為我們預備了小禮物，酒店員工很有禮貌及細心體貼，check-in後還幫我們拍照待退房時送上合照感到溫馨，房間衛生企理且空間大舒適，酒店自助晚餐有即開生蠔夠新鮮，鵝肝西冷味道也不錯，熱，即場煮意大利粉正，還魚生、壽司、北京填鴨，其他熱葷一般，甜品及雪糕款式種多，整體自助餐不錯，早餐正常水準，總括來說以這價格算起值了，有機會會再來。

當天約四點多才到酒店辦理入住，上到房間沒多久，就有職員為我們送上Welcome Tea，非常窩心。 在房間看了一會電影，就準備去吃自助餐。 自助餐的食物種類繁多，而且非常高質， 有厚切三文魚、沒有腥味的法國生蠔、 以及多款甜品，焦糖燉蛋很重蛋味！ 待我們吃完自助餐後， 回到房間就看到酒店為我們預備的生日蛋糕及生日卡 這次的旅程，我和我的朋友都很滿意！ 職員服務態度很友善，食物質素也很好。 一定會再來的。

呢個兩日一夜既package 都唔錯！我book 黎同老公慶生，咁有同到酒店講老公正日生日，希望有生日蛋糕/甜品，咁間酒店都好樂意安排。呢樣好欣賞，亦都多謝酒店！ 不過佢無俾間海景我地，有少少失望，可能我無要求/太多人要求左啦? 晚上既自助餐，整體而言都好唔錯。而早上既早餐半自助形式，係行政樓層食，個海景好靚呀！望住個咁靚既海景食早餐，心情都靚d。??

由早到晚，酒店都好細心咁為客人服務，同事驚喜處處不斷。 入住嗰陣，因為人數唔多，所以好快就可以check-in， check-in嘅時候酒店知道今日係同老公嘅周年紀念日，所以亦都有鮮花送上，以作小禮物。 上到去，發現原來唔係豪華客房，而係海景房，仲要窗簾識得自己拉開，非常有驚喜，個景真係超級靚，冇得輸。 坐低冇耐，酒店就送上welcome tea and fruit。 食完飲完冇耐就出左k11musea行下。 返到嚟就準備晚餐，由於堂食重開，我哋可以落到M/F去食自助餐，酒店職員亦都非常友善，會主動問客人食唔食/需唔需要呢樣食物。同時，我覺得自己都幾麻煩，但係職員都會落力滿足要求，例如三文魚厚切！?同埋明明冇香蒜辣椒意粉，但係職員都會專登幫我去整，真係好好人呀！此外，食物亦都非常好食。 八點左右，返到去房間，酒店職員打嚟問依家方唔方便送上周年嘅一些禮物。原來係早前我唔小心撳錯咗請勿打擾，佢哋一直就冇放低，真係唔好意思? 原來佢哋送上嚟嘅係香檳一支，同埋朱古力，真係好靚好正！ 美好嘅一日就此完結。 去到今日早上，食過佢哋嘅半自助早餐，早餐內容亦都好豐富，有好多主菜選擇，半自助餐嘅區域亦都好多嘢揀，中西式都有！超級豐富！❤️ 好開心選擇左九龍香格里拉，體驗左你個開心嘅兩日一夜❤️

非常滿意！ 酒店職員非常有禮貌！ 一早send email通知酒店慶祝生日， 酒店有心地預備左個細蛋糕，雖然個蛋糕麻麻地? 房間非常之大！浴缸非常寬躺！ 望到全海景！朝早起身blingbling,勁靚！ 成個package，包自助晚餐和自助早餐，款式都好多！ 整個旅程都好開心?

訂17日入住, 預早通知酒店慶祝結婚20週年紀念日, 諗住好似其他評價有小驚喜, 但不設預期, 哈哈唔係一定有既, 但整體都好好, 員工都非常主動有善有禮熱心. 房間好舒適好大整潔, 景觀好靚, 晚餐係房食, 整體味道不錯, 早餐自助餐都幾多選擇, 會推薦給朋友

很好的體驗，前台同事幫我們升級了樓層更高的海景房間，更為我們準備了生日蛋糕，非常貼心 房間很大很整潔，而且景觀很好 在晚市堂食放寬後終於可以選擇在酒店餐廳吃自助晚餐，款式一般，但整體味道不錯 早餐自助餐的牛角包很好吃，其他的麵包也很好吃?? 整體而言套餐性價比很高，會推薦給朋友

今日2月16日年初五 Join左klock, 九龍香格里拉免費upgrade海景房間,超開心，服務員態度有禮、熱心，因預早通知酒店慶祝我女女生日，会特別按排一個小型蛋糕和小小佈置 房間好舒適，正中望海景，感到好relax,，未食晚餐巳感覺今次旅程超 值?，已計劃再book下次，極力推薦，大家不坊趁現在超值價去享受一下5星级酒店的服務??

面對維多利亞港沒有遮擋，景觀一流的酒店。 酒店房間及洗手間很大寬敞，保持五星級酒店的水準 ，員工服務態度一流。餐飲方面，自助早餐選擇種類很多，晚餐我也選擇了自助餐（下午3点15分至5点45分），海鮮有長腳蟹腳、 翡翠螺等等等… 本人於年初二入住，酒店還有兩封利（優惠券）是予客人下次使用。

新年初二入住, 新春promotion可升級至全海景房 check-in人數唔少但都唔洗等太耐 房間海景超靚超吸引, 仲有welcome tea同水果 可能因為新年多人入住關係 in-room dining預定7:30pm送餐 最後8:45pm先送到上房, 但酒店同事都有致歉 食物款式唔少亦夠熱, 鴨肝牛柳非常好食 其他食物亦正常發揮, 食完超飽 餐後有酒店同事送上生日蛋糕, 非常驚喜 約$1650嘅staycation package cp值高

大年初一入住 九香，酒店上上下下職員十分有禮，房間清潔度無懈可擊。 $1,650net 一泊兩食+歡迎茶+Anniversary Amenities(感謝Guest Relations Team) 房中晚餐，絕對夠食。 自助早餐，超推介：太陽蛋/烚蛋/Egg Benedict，另外：杏仁牛角酥及鮮生果粒，也必吃呀！ 只能分享6張相片的話，想分享多些F&B. 趁新年假期優惠，真心推介這個package.

房間整潔乾淨，由於晚市禁堂食需於房內用餐，房間是否寛敞絕對是關鍵。晚餐份量豐富，兩人份量絕對足夠有餘～但食物質素始終難與堂食比較，比較失色。 訂房時註明是慶祝結婚周年紀念，送上香檳及朱古力，還有花束，十分開心～早餐能夠邊看海邊吃早餐，絕對是賞心樂事！

酒店位於旺區，交通方便。 雖然已經是歷史悠久的酒店，但保存新淨。酒店房間大，床鋪舒適感；房內洗手間乾淨，沒有絲毫水漬或污垢。酒店所有員工都非常主動，有善。非常有水準。疫情關係，晚餐改為房內進食，仍很豐富，美味。早餐是自助形式，雖然款式不是太多，但足夠及美味。餐廳職員亦很主動及親切。

星期六入住，海景房好開揚，有浴缸 :) 員工好好幫我哋做咗late check out到2點，慶祝週年紀念有朱古力同細支既汽泡酒送，安排好好，當然唔少得welcome drink 既熱茶。 晚餐in room dinner ，好多野食，凍海鮮好食，新鮮，仲有中式嘅黑椒雞球，炒飯(無影到)都好食，南瓜湯比想像中好飲！西式有牛扒同三文魚扒都正常味道，不過壽司同甜品都唔太吸引，面包都唔夠熱。 $1650 package 海景包晚餐，早餐，我哋覺得個晚餐都算唔錯，分量可以少啲，又中又西真係太多。 自助早餐唔錯，由其中式湯粉面，炒麵，點心，粥同油炸鬼！Egg Benedict，奄列都係即叫即整。飲品方面有中西式茶，有果汁，凍檸茶等等，員工都好nice！

力推！！ 一家三口諗住去放鬆吓，見到呢間包埋晚餐當早餐就即管去試試！ 入到去check-in，前枱姐姐好好及好有禮貌，原本諗住城景房都冇乜所謂，主要都真係諗住放鬆吓，點知upgrade咗全海景房俾我哋！！仔仔見到勁開心！ 入到房，仲額外咗俾小朋友日用品俾我哋，服務一流！ 最估唔到嘅係，上房冇耐我個仔突然收到好多禮物！呢個係意想不到！不得不讚佢哋啲服務好貼心!!! 到咗晚上，晚餐喺房入邊享用， 我哋一家三口食得好滿足，三個人都夠晒食，仔仔又勁開心！ 另外早餐都唔錯！服務一流?? 力推！！！不得不讚！！

Excellent service and highly recommend! 老公生日揀左九龍香格里拉staycation. 一早send email request 生日蛋糕, 佢地覆我可以offer slice cake另外仲有簡單嘅生日佈置, 非常好。如果想要好誇張嘅氣球佈置係要自己整嘅。之前有住過其他國家嘅SL, KSL 同其他嘅SL嘅裝修格局都好一致，唔知係咪講廣東話嘅關係, service 係比其他國家嘅warm! 因為疫情關係, dinner buffet要係房食. Check in 完就可以打電話落order想幾點食. 正式送餐之前仲有個welcome tea. 雖然dinner冇得 refill, 但係分量係非常多! 飽到不得了! 最欣賞嘅係熱食可以放係車入面保溫, 食之前先拎出嚟仲係熱嘅! 其實可以係房望住咁靚嘅維港夜景慢慢食嘢都幾難得(紅酒係自己準備) 食物方面都係有質素, 海鮮好鮮味! 但係我個人麻麻地螺, 如果有得揀咩海鮮就更好喇! 甜品非常出色! 第二日早餐係去 club floor食 semi buffet, 都可以望住海景食早餐, 不過窗口位係先到先得嘅. 早餐都好好食! 係club 度食可以enjoy下佢地嘅service, 好主動收碟同會問你洗唔洗refill 野飲, 非常好! 性價比高!

我們4位訂了兩間房，酒店給我們雙連房喎， 房間超大，很舒適，很正 。而且酒店很細心，為我送上生日蛋糕給 壽星女 。員工很有禮貌， 因疫情關係晚餐在房裏進食， 用餐推張枱入嚟 好，主菜還 還有餘溫， 海鮮好味， 份量足夠， 性價比高。 下次一定會再光顧。 很開心的一個晚上。

酒店房間很大很舒適，在前台預先要選擇好晚餐menu，雖然不是自助晚餐（因為禁晚市堂食），但在房內享用的體驗也不錯，服務及美食質素也是5星級，自助早餐粥粉麵飯沙律樣樣有齊很豐盛，侍應服務態度亦很好，酒店防疫設施亦做得很足，另外送上簡單房間佈置、朱古力、香檳、及鮮花，check out還送給我們check in時為我們拍照的照片，很是細心很滿意這個staycation。

酒店職員專業友善貼心，知我同太太慶祝結婚紀念日，check in時送上花及為我們拍照，又upgrade到有無敵大海景的房間及容許late check out。上房後不久更送上香檳及心型朱古力。 晚上的自助餐轉為房中用膳，可自選多類食物，除長腳蟹未夠新鮮外，其他食物屬水準之作。翌日早上在頂樓，對住開揚海景食半自助早餐，更令人心曠神怡。 我和太太都好享受及有個美好的回憶。 以這個價錢來說，實屬超值之選，推薦！

酒店提我們升級到海景房，因為我們生日及結婚周年慶祝入住，所以酒店亦安排了蛋糕. 房間內進食晚餐，熱食全部由餐車暖爐運送，需要食的時候才取出， 比在餐廳裏食感覺還要好. 酒店所有職員有登記、派餐、打掃房間、早餐所有安排，都令人感覺到照顧周到！

1月1日入住，慶祝2021年，香格里拉酒店房間好舒適，酒店自助餐早餐和午餐（原來是自助晚餐），美食非常好味 之前也有入住本地五星和國際五星之staycations ，作出比較之下，九龍香格里拉為出色酒店！ 希望推介給別人！

香格里拉酒店的所有員工服務都非常好！！ 原本是訂了11號晚的入住， 但因政府突然又禁晚市堂食， 於是更改為9號晚入住！ 十分感謝酒店的員工幫忙協助更改完成！！ 趕及可以在餐廳享用自助餐堂食。 今次亦是幫太太慶祝生日的， 十分感謝酒店的生日佈置，又送上生日蛋糕及祝福卡等的細心安排！！ 是次還升級了海景客房！！太太真的十分開心！！ 早餐於21樓的行政樓層用餐， 也有美麗的維港景色相伴， 十分滿意！！ 以這 Staycation的價錢， 絕對是超值！！ 如有機會， 下次一定會再參加！！

酒店大堂很華麗，聖誕佈置很有氣氛，房間和浴室很大，床也很寬敞舒服，可惜房間沒有海景和城景景觀。自助餐比想像中多款式，有海鮮、日式、印度式、泰式等多國特式食物，龍蝦彈牙，凍蝦很甜，甜品款式多也很美味。以這價錢能體驗一流老牌五星級酒店服務和自助餐，絕對值得再次體驗。

好抵，呢個價錢真心唔錯，體驗仲好過文華，同酒店職員講左係同太太慶祝週年紀念日，房間有幫我地揀高層，送左支氣泡酒比我地，間房都幾大，食早餐嘅地方好正，對正海景，晚餐buffet都算唔錯，唯一美中不足係龍蝦好似有少少唔新鮮定其他原因，口感欠佳，但無影響用餐體驗，去過咁多間酒店staycation，今次算得上性價比最高，無論酒店環境、服務，食物質素，都算好滿意

同太太結婚週年紀念~酒店職員幫我upgrade咗上去19樓高層房，還送上香檳?賀卡及朱古力作為結婚週年禮物~感謝萬分? 酒店房很大很舒服?泳池美中不足很細?但健身室可以接受器材算多? 自助晚餐及早餐款式算多，甜品一流? 不得不讚酒店員工~全部都好有禮貌也很體貼?所以整體感覺十分滿意?

環境很好，設施不新但乾淨，自助晚餐有生蠔不過太細，其他凍海鮮沒味道，熱盤亦一般，但甜點很出色，而早餐是在21樓，很豐富也很美味，面向海景品嚐早餐一級享受，此次特別感謝接待員Kelly Tomg友善及細心的服務，其他員工也很有禮，期待下次再光臨。