皇家太平洋酒店餐飲住宿優惠

房間明亮，廁所很大，乾淨，有浴缸可以浸浴 海景翼可以望到維港景色，很美 本次是星洲美食主題，肉骨茶椰醬飯都很好味 值得推介

房間非常寬敞整潔，各職員也很有禮貌，位位都面帶笑容。套餐很豐富可口，酒店附近有公園可以看海景，一定要睇呀！

Package包咗下午茶,晚餐, 早餐， 食物及環境都好幾好晚餐份量都夠兩個人食, 出乎意外之外, 美中不足是check out當天, 明明傾好是15：00, 居然14：00番酒店時， 用唔到匙卡開門, 要搵番職員來搞掂，, 原來係front desk set咗係14：00 係check out

去甘多間酒店從來未試過！ 好搞笑第一次食早餐係有肉骨茶！同埋要食飯哈哈哈哈！夜晚個餐新加坡菜都唔錯！下午茶唔記得影相但也非常搞笑好似茶餐廳嘅炒麵咁！總之成個感覺都好特別！?間房到可以啦！可惜唔係對住海景！有啲失望！但係行街係好方便！一落去左邊係圓方右邊係尖沙咀！

一時冇留意~呢個Package原來下午茶，晚餐及早餐都係星架坡餐～好似太多了！ 酒店環境不錯清潔乾淨?房間舒適寛敞?

酒店比較舊 free upgrade 到半海景 但整體服務滿意惟隔音比較差 check in 員工及兩間餐廳員工服務周到 食物質素一般

今次入住係食星加坡三餐（下午茶、晚餐及早餐），早餐食椰漿飯及肉骨茶，唔係好慣。啲食物味道幾好，嗰房算有啲海景，有24小時免費泊車，員工很有禮貌！

一個字，抵！響中港城泊好架車就去CHECK IN，職員好有禮貌，完成手續後仲送埋我地去搭電梯。俾左間響22樓嘅房間我地，搭電梯去到21樓後行樓梯就可以上到去。間房好大(請參閱照片)，應該係upgrade左架房?? 景觀就無乜架啦，拉開窗簾伸個頭出去都望到一"條"海景嘅(仲要唔係正面望到)XD 浴室夠曬大，用品一應俱全，毛布黎講，有面巾、抺手巾同大毛巾，唔係一條毛巾抺曬全身XD 有咖啡機可以整返杯咖啡歎下，不過我地無飲。有空樽俾你出去斟水飲，有啲人可能會擔心衛生問題，我地又OK喎，環保啲都好呀，飲幾多咪斟幾多囉。 休息左一陣就去沙嗲軒食下午茶，味道不錯，份量亦夠。沙嗲軒有一位女待應好友善，主動介紹我地行出去可以睇日落:) 食下午茶時會問埋你地想幾點送晚餐上房。 晚餐準時送到房間，食物熱辣辣，正！可能我地食得太頻密，飽到食唔曬啲菜XD 第二朝早餐響Cafe on the Park享用，可惜肉骨茶味道麻麻。 CHECK OUT時職員會俾埋收據你去中港城換領免費泊車嘅優惠。 唔洗$1200就有間咁大嘅房仲包三餐仲有24小時免費泊車，真係算係咁了~ 唯一美中不足的地方，唔知係咪因為係頂樓關係，近機房(?)，成個下晝都有啲機器聲，朝早都有，如果好講求環境寧靜的話，咁哩層嘅房間就唔適合你了～

食足兩餐在沙嗲軒！沙嗲軒名不虛傳！ 串燒我揀咗晚餐食，隻碟係熱辣辣嘅，6串串燒嘅熱度！薏米水幾特別！最like 係串燒? 串燒真係好好食！另外，牛油麥皮大蝦亦煮得十分出色。 （由於我唔食得辣，一早同餐廳講左） 胡椒大蝦轉左牛油麥皮！ 香辣通菜轉左蒜蓉炒通菜！ 食足4餐！大滿足???！

$1200包左4餐真係好抵，食物都幾好食，特別係胡椒蝦同早餐

此酒店包4餐，食物和住還可以，服務態度有5星，他們積極認真把遺失的白金戒指迅速找回。此等服務態度值得讚揚 !

上月去過灣景國際比較,今次的皇家太平洋酒店無論住宿及招呼都勝一籌,雖然初期說是海景翼房間,但是到前台時說樓上房間裝修中只給了間商務房,但是已經覺得不錯,另外在食方便也沒得說,連宵夜的串燒是足四餐,至於是否好吃是個人口味問題,以這個價錢我已經很滿意,而且酒店的所有服務及招呼也沒有因為我們是本地人而待慢,值得好評. 至於這兩年的疫程影響,多得KLOOK舉辦了這些酒店連食宿,而且價錢便宜,時間合適的話可以短暫的充下電會繼續參加的.

服務態度非常好upgrade 咗房間，酒店環境舒服房間浴室都好大，食物包早午晚宵夜安排周到，餐廳職員很有禮貌食物都唔錯

利用staycation 再-200的優惠，只需要大約$1000就能夠享受一晚住宿及四餐餐飲，非常超值。套票中的房間空間非常大，浴室亦非常寬敞設有浴缸！晚餐的胡椒蝦不錯，但海南雞飯的雞飯比較油。宵夜的串燒是直接送上房間給你享用的，熱辣辣而且味道10分可口，覺得比晚餐更好，早餐是椰漿飯及肉骨茶，有點不適應早上就吃飯，但白咖啡的味道不錯，但第一天朋友趕不及吃下午茶，餐廳亦非常好可以安排我哋於退房當天才享用下午茶。下午茶可以選擇炒蘿蔔糕或者炒貴刁或者福建蝦面！整體感覺超值各項服務都不差！

$1,100包住兩晚，$400消費額，兩支紅酒和四罐飲品，相當超值。由於我們唔飲汽水的，打電話要求把冰箱內的汽水全部改為檸檬茶，職員可以在短時間內幫我們更換，員工服務態度一流，令我們非常滿意。 沙嗲軒水準唔錯，員工Monica服務態度非常好，工作積極，主動推介我們吃套餐，比起單點超值得多，很讚!!!

住宿券性價比高，但為了另一半能夠享用到全海景的房間，我決定加付款項，入住了尊尚海景套房，房間寛敞，舒適整潔，景觀一流；酒店位置優越，鄰近大型購物商場及九龍公園，出入方便；所有職員都很有禮貌；餐飲主要是星洲風味，非常豐富，份量十足，枱面上的餐墊紙更印有食譜的二維碼，方便食客下載查看；整體都非常滿意，KLook 再一次給了我一個開心輕鬆的假期。

房間乾淨, 酒店職員相當有禮, package所包的四餐均非常美味, 酒店旁亦有海濱長廊, 景色怡人~

以一間四星酒店來講算係感, 大堂新裝修, check in 職員 ANNA 非常有禮, 更帶我去到海景翼電梯大堂口！房內裝修就較90年代, 有不少歲月痕跡, 清潔度就真係一般, 自己也會再清潔一下才使用. 今次直播買一送一, 本以為另一個包四餐的套餐,一時手快就買錯了, $900 兩間房, 只有$200 dinning credit, 一支酒 將錯就錯每間加$385 upgrade 去海景套房. 最後每間房$835. 套房幾大, 有客廳, 偏廳全維港景, 浴缸也看到維港景, 以呢個價錢性價比算高！

皇家太平洋酒店 check-in時職員非常有禮貌及十分樂意幫忙的態度，還帶我們去搭升降機。可能體恤我媽咪是長者。去到餐廳職員態度都很好，很有禮貌，即使他們都好忙，好多客。房間很大，非常舒適。

颱風好去處莫過於享受酒店設施，加上酒店提供三餐半，唔怕冇嘢食。satay inn 沒有因為「套餐」降低質素，食物及服務有水準。推薦比大家！

為左慶祝男朋友生日 特登一早book左加錢upgrade去套房 好彩upgrade左 因為套房好大 個睡房同偏廳望到嘅海景超靚 同時望到晒港島同西九龍 好震撼 係咁攤係床望住個海景已經係一大享受 入到房原來一早預備左紅酒同valrhona朱古力擺晒係度 好surprised 成間酒店嘅staff服務都好好 前台wendy好有禮貌 上到房仲會打黎問收唔收到啲朱古力同酒 沙嗲軒嘅經理哥哥同其他staff 同cafe on the park 嘅staff都好好 野食方面除左個下午茶麻麻 晚餐同早餐都好食 由於upgrade 左送多兩份早餐 真係好飽 見到下面啲comment話野食麻麻 講真1100包咁多野食真係好抵 同埋啲野食我真心覺得質素幾好 我同男朋友都好開心好滿意呢個package 下次會再黎

前台WENDY幫忙提升房間至21/F超豪华房，十分钟后还来電跟進房间细節，值得一讚。?。酒店雖然有32年歷史，也没豪华裝修，但保養得宜，房间非常大，约350呎实用?。感覺清潔衛生，房務值得一讚?。浴室熱水非常給力，值得一讚?。其他員工，無論大堂，餐厅，遇到的都十分熱誠，有礼貌，值得一讚。這正正是SINO的品牌作風，拍得住新鴻基，没有令人失望，值得一讚?。

住左一晚 覺得個package整體唔錯 首先唔算太多人 之後有四餐食 味道同份量都ok 性價比算係幾高 特別想讚的係酒店的防疫措施做得好足 Gym room每個時間都只會比四個人使用 Ps 如果有海景房會更好

Upgrade了房間到半海景豪華客房，房間非常大，超過400呎，超大的6呎床，洗手間更是雙洗手盆，享受了一個很甜的晚上。另外，無論front desk、餐廳及大堂的職員也很專業和有禮。酒店位置優越、提供24小時免費泊車，酒店的平台更提供欣賞維港海景的好環境！讚！???

推，最近玩過咁多間酒店、我同老婆第二滿意、Sp值同性價比高、乾淨令人感覺舒服、空間感也夠大、隔音好、職員服務態度親切、鄰近大型核心購物商場同大型店舖?️ #激安donki #谷辰Guusan ????? #sinoclub #享有買一送一優惠 #贈送兩支Premio紅酒 #StayCastion

睇過評價,即管一試,早到左酒店,兩點左右都可以Check in,替我Check in員工比較慢,但都有禮貌。雖然無升級海境房,房間比想像中大,房內飲品免費,包括Nespresso咖啡機?,洗水杯時,?發覺水杯內有(一點點)明顯污漬。下午茶一般,餐後到週邊散步,舒適寫意。晚餐加宵夜一齊,雜錦沙嗲熱騰騰好味?胡椒蝦非常惹味,差D連殼都想食埋,甜品椰汁西米布甸??,早餐白咖啡唔錯,只是比較甜,其餘食物一般(唔夠熱)整體住宿房間及晚餐超正??

Staycation玩一日，同小朋友住就想所有嘢係酒店搞掂唔使出去。進行得一切順利，房間都算乾淨舒服，枕頭都有軟和硬，但係都訓唔好。下午茶揀咗炒貴刁好好味，椰子冰就麻麻地，晚餐飛餅唔好食，皮好硬，胡椒大蝦就好惹味，通菜都炒得好食，宵夜有串燒送上房，都幾好不過自己唔鐘意個燒烤花生醬。早餐不過不失。小朋友可以係大床跳下玩下浴缸都好滿足好開心。

成個行程好滿足 完全唔洗煩食咩 絕對係懶人之選！當日1點左右去check in 已經可以攞到房 間房比想像中大 特別係嗰廁所。 抖一陣就落去食下午茶 如果嗰日天氣唔錯 建議可以坐出面吹下海風 跟住會有staff 問埋你晚餐同宵夜嘅安排 好貼心！ Package 包嗰4餐 整體黎講幾好食 質素唔錯 CP值高 個海南雞飯真心有驚喜～ Staff嘅整體服務都好好 夠nice同貼心！ 呢個價錢絕對抵玩！Lobby 行出去海邊有條長廊 個view好靚 天氣好可以去影下相 打下卡！

無論前枱定餐廳嘅服務員態度都好好，好有禮貌，真係要讚一下。我地間房upgrade左，有少少海景，房間亦比想像中大。餐飲方面，基本兩個女仔一個set會夠飽，如果有男仔可能差少少，食物味道唔錯，但有啲唔係好夠熱。整體嚟講，仍然十分值得推介。

職員有禮，房間清潔，食物可選擇送上房，未有泳池開放，食物分量可以，但質素需改善，餐廳職員好友善～check in需時多點～

非常好，酒店升級到海景房。餐飲不錯，完全是超值。酒店員工有禮，我另外訂了多一天房間，員工跟進時，說可以不用check out，繼續住同一房間。貼心服務。酒店房是傳統的設計，所以很寬敞，舒適。

性價比超高，房間夠大，舒服，有藍牙喇叭兼無線充電機，包幾餐星馬菜好好食，walk in客都好多！酒店又有健身室，基本上喺酒店入面已玩夠食夠！

性價比高 包4餐，仲要包車位，check in 後先食下午茶，跟住會揀埋食晚飯時段，可選擇叫餐廳外賣包裝返上房間食，食物都可以既，之後10點宵夜會自動送上嚟房間，係半打豬牛雞沙嗲，都係下午茶時叫定，亦可以選擇同晚餐一齊起埋。 房間大，雖然設計有點舊，但乾淨而且很大，有浴缸，但熱水要開數分鐘後才熱，房間有Nespresso 咖啡機包2個咖啡粉囊，即刻覺得grand咗，以呢個$1000價錢，邊度搵，淨係食4餐，再加泊車24小時，尖沙咀都搵唔到，一個字「低」！

upgrade左去套房，入去發現酒店準備左曲奇朱古力同紅酒，十分之有驚喜。房間大，設施尚算齊全，只有電視機較舊。落地玻璃窗外海景一流，可惜呢幾日天氣唔好睇唔倒日落。工作人員非常有禮及熱心。套餐包含嘅4餐味道都不俗。下次會再考慮入住。

11OO元包早、下午茶、宵夜、晚餐！超平！本想試試嘅心态！一入酒店check is 已有驚喜！服務員態度有礼！殷勤！令人舒服嘅感覺！房間大！整洁！雖然翻新后仲留有舊日嘅痕跡！但都很干淨！很有度假嘅心情！因一入酒店！你唔駛憂食！好似去旅行一樣！一切都安排好！沙嗲軒員工有礼！食物都可以！呢個Staycation 值得一试！正！???

房間整潔、寬敞。 晚餐味道好，宵夜經room service送上，食物夠熱，很好吃，還有4罐免費罐裝飲品，十分滿足。推薦！

房間很寬敞，有少許海景，感覺很舒服。 套票包了四餐，真的蠻豐富！房內還有汽水、茶包、咖啡機，基本上不用再買飲品和宵夜了。 這個價錢，抵玩啊！

食物好好，除左下午茶個紅豆冰，海南雞晚餐好好食，餐廳坐得舒適，闊落分隔好開，員工服務超好，加分！ Check in要排都陣，不過可接受，房都大，海景好偏。

非常滿意的行程!酒店服務超級好，好貼心好迅速禁解決問題。食物不過不失，但總體黎講好值得。 生日仲可以延遲退房同送蛋糕，真係非常超值!值得推薦比朋友!

服務好好，野食唔錯，算係好抵玩！ 不過想提提住客，食完串燒宵夜個盤同碟唔好就咁擺係房門口啦，條走廊人地都要行架，夜媽媽又冇人收，擺係地下叫人執唔係咁好禮貌，香港人唔該唔好做西客！

很便宜，酒店也很舒服，房間大，乾淨，服務人員很nice，早餐和晚餐食物也不錯，只是下午茶的紅豆冰一般般?

非常好，已推介俾朋友，各部門職員服務態度都一流，上到房準備左小朋友用品好貼心，食物好好食，連3歲小朋友都食唔停口

酒店服務很好，職員有禮 下午茶好好食 晚餐同宵夜非常準時送上房間 酒店仲免費幫我升級左做半海景房 十分滿意嘅體驗

房間大。浴室非常大。冷氣足。工作人員熱情有禮。四餐味道不錯。晚餐和宵夜也是送房間的。但就覺苦了工作人員。因那盤子非常重。看到都心痛。

呢個package真心好抵??酒店房空間夠大亦算整潔。食物方面都唔錯，早餐個肉骨茶好好味?因爲check in當日我地5點幾先到，所以酒店都好好安排左我地第2日可以食返下午茶，晚餐個海南雞飯同埋個薄餅卷都幾好??加埋個宵野串燒真係好飽，份量好足夠我地兩個人都食唔哂。重點想講酒店職員既服務真係好好，個個都好有禮貌呀真係好抵讚??極力推介??????

$1100包一晚瞓仲有4餐食，都真係超值之選，食物都係正常味道，不要期望太高，但都會推薦給朋友和家人

天氣時晴時雨，疫情也多變，所以未入住前已和KLOOK和酒店聯絡，商議不同安排，過程中讓我們感受到職員都盡量提供良好服務和配合，由KLOOK客服，酒店訂房，大堂，前台和客房服務的職員都很快處理和仔細交待，酒店方面環境和食物衛生也盡量給客人信心，讓我們愉快度過日與夜。惟在最後一小時，前台一位職員致電房間的差劣態度，讓整個旅程帶來不好印象。該職員說我們未在12點退房，我回覆她在入住時已獲安排延遲退房至兩點，前台職員貼心地在房卡套上也改了退房時間才給我們。以為一切穩妥，1點多正在吃著酒店送上的生日蛋糕。可能是前台電腦紀錄沒有更新資料，令到該職員單方面認為是客人問題。但當客人平心靜氣的說明，該職員亦不用兩次再強調：兩點"前"喇!畢竟是慶祝生日，卻在最後一刻突如其來的舉動，真的很掃興致呢！希望酒店方面明白可能是一個誤會，但一位職員都可能會影響整個團隊的努力，KLOOK方面就萬分滿意了！謝謝!

整體：⭐️⭐️⭐️⭐️⭐️ 不但包4餐，仲有3餐可送上房。早餐係最出色，個椰漿飯同肉骨茶無得輸！另外房好大對到海景，夜景好靚。 建議早去check in 因為酒店登記好耐，去到要排30分鐘先可以check in，但staff好nice。非常好的體驗！經Klook book $1100 不加手續費/加一。一晚再加4餐比其他staycation 都抵??

在疫情都幾嚴重下，當天下午2:30到達 ,都不少人，要排隊，酒店大堂職員好有禮貌，辦理時間都Ok, 好幸運被升級到海景房，房間比預期大，洗手間有淋浴同浴缸，有基本個人衛生用品及免費飲雪櫃中4罐飲品，包套票包4餐，check in 後就去嘆個美味下午茶，由於疫情晚餐不可以堂食，大堂職員在辦理入住手續時已經問了我們送餐到房間時間，到達下午茶餐廳時職員再次細心確認我們餐點及送餐時間，在疫情下健身室無得用，只可以到無敵海景的平台花園散步，及附近大型商場逛街，到了晚餐時間職員準時送上美味晚餐，晚餐仍是微溫，送餐職員離開美要次確認我們宵夜送餐時間，到宵夜時間準時送到房間，美味串燒仍然熱的，正。 今次體驗非常滿意，抵，值得推薦。

打電話到酒店升級海景房， 面對著尖沙咀渡輪碼頭及維港景，景色好美。 這個package還包四餐， 建議下午茶轉做翌日的午餐，因為第一天下午茶跟晚餐還有宵夜3餐的時間太接近了。 服務很好，房間大小適中，感覺乾淨衛生，很難得亦難忘的一個staycation.