諾富特東薈城酒店住宿度假優惠連早晚餐或下午茶

包兩餐的staycation 早上自助餐好過晚上的 房間要求高層亦可做到

於入住前致電通知酒店職員是次入住是要慶祝生日&結婚週年，到入住當日酒店除了贈送cup cake & 朱古力外，還給我們upgrade到海景房。房間很大，舒適。另外package包的午餐及自助午餐的食物也不錯。不過疫情下酒店內泳池沒有開，亦沒有什麼活動可以參加。

優點: 交通非常方便 景觀開揚 Reception 服務員非常有禮貌，還主動提升我們高級客房及延遲退房 浴缸很大，還有水力按摩功能 缺點 自助餐保持水準，依然是我10多年前食過一次，到現在都是食物及味道最差的自助餐 可能由於老闆cut人手關係，餐廳服務員明顯不足，引至冇人執碟及服務員服務態度欠佳 房間1000後開始有裝修鑽牆噪音發出

訂購後以電郵與酒店聯絡，回覆算快捷，盡量協助客人記底住宿及膳食要求(但是否安排和跟進是另外一回事)。 酒店房間及設備均顯得陳舊，連USB叉電口也沒有(幸好梁先生提供協助，原本只想比2粒星，加一粒比梁先生⋯⋯完全冇諗過而家嘅酒店會冇)。 原定package晚餐只會包黃昏美饌(主要係海鮮拼盤)，後來免費轉成自助晚餐，原本也是不錯的安排。但食完之後先發現午餐和晚餐的食物差唔多完全一樣，大部份食物水準中下，完全冇味，完全唔明白其他客人狂搶有乜意義(係！呢個完全係客人水平嘅問題！) 反而早餐有驚喜，起碼有橙汁及紙包蔬菜汁任飲，有正常乳酪可以食！係！呢一樣已經係驚喜！可能因為之前嗰日午餐同晚餐都唔知自己食咗啲乜(魚生網味，壽司唔好食，就連喇沙都係淡而無味⋯⋯除咗水果正常啲之外，唔知自己食咗啲乜！)到早餐其實已經冇晒期望⋯⋯或者因為咁樣反而有驚喜！

同老婆12點早左到酒店，本想問服務員可唔可以放下行李，點知職員禮貌下答可以有房間，行李可以放房間去行街真開心，同埋訂房時講左周年結婚記念，酒店職員講房間預備好朱古力，上到房間，睇到有朱古力同酒店送張慰問咭第2開心， 今次行程有美好回憶，有時間下次會再來

一家三口又去東薈城諾富特酒店Staycation ，今次又是自助午餐+晚上房內海鮮美饌+自助早餐，但晚上房內海鮮美饌改了當天自助晚餐，不用加費，都是不用$1200，一晚房間+3人早午晚自助餐，十分超值，各位員工有禮，雖然食物普通，但味道唔錯，已訂了4月6日又去嘆下???要求不高可以一試????

千零蚊玩足兩日，食足三餐，仲有免費泊車，又幫忙安排了延遲退房，簡直係超值！生日送上小cupcake同生日卡，味道其次、心意無限。所有職員都好Nice??，由於原先訂嘅package有啲改動，多得Front Desk職員幫忙，完美改動行程！三餐buffet之中早餐特別好，星期日仲可以延長到早上11點，可以瞓到飽先去食?。附近可以郊遊又可以shopping，休閒舒服咁Hea足兩日，下次要再嚟玩多次?

原本book左平安夜, 因限敘令不能食dinner buffet ，改期到情人節, 但限聚令延長都係食唔到, 唔想再改期而且酒店話因為情人節所以特別加開一個early dinner buffet，但係呢個buffet絕對唔值得期待，因為得好少嘢食同埋味道真係好一般, 除非真係好想食buffet，否則唔建議book連buffet嘅package.。Book李間酒店因為樓下就係outlet同埋方便第二日去大澳，平平地住一日都係唔錯嘅選擇。

有得免費泊車好方便，亦都好快checkin 到。 美中不足係我地間房冇浴缸亦都睇唔到海，房入面設施都比較舊。 不過咁嘅價錢仲包自助早餐晚餐都算超值

一次很好的體驗，雖然不能夠去外國旅行。但是在東涌度假啊也很有feel。房間向海景纜車站，視野優良，景觀開揚很舒適。有浴缸浸浴很享受。套票包早餐午餐及海鮮晚餐1000元左右很性價比很高。早點最正多選擇。午餐一般。酒店連接outlet購物超方便，好開心。商場好多嘢食。而且商場樓下有巴士站可短程頭旅行。第一天食完自助午餐休息一回 就坐巴士去去昂平郊遊心經簡林洗滌心靈之旅，回來行下outlet, 預約8時回房就準時送海鮮盤。第二天自助早餐豐富，有咖啡機，正。Check out再去山大澳，好棒的經驗。在香港也可旅行住酒店渡假。

upgrade 去行政房，空間足整潔，景觀好還看到日落，双11時訂的package便宜，到附近景點方便，去了東诵砲台、大澳等，星期一的大澳都不少遊客啊！buffet都不錯，好味！整體很不錯，會再入住。

房間upgrade 去行政房，整潔，空間夠，view不錯，晚餐及早餐buffet都好，好味，晚餐有花膠鴨掌、三文魚、蟹腳都美味，有優惠時訂的package便宜，如再有会再訂

酒店 upgrade 房間，送上小甜品，窩心。 自助晚餐款式不多，味道倘可，不停 refill ，讚。 酒店 location 冇得頂，鄰近大型 outlet，樓下係巴士總站，shopping 就行一日都行唔哂，去梅窩，大澳，大佛，迪士尼遊玩也方便。 唔想行，有 UA 影院，睇戲也是消閒節目之一。 總括來説，遠離市區，又可以食玩買，兩 day 一夜的 package，消磨時間，真係不錯的選擇。 唯一美中不足，酒店户外泳池關了，無得游冬泳，失望囉。

$1000可以包自助自助早餐超值，附近環境清幽，重要的是不用出街可以去到商場，還有超非常近鐵站！三月份我及另外朋友再去一次渡假

我哋book咗2間雙連房，價錢非常吸引！包早晚自助餐！ 酒店服務態度非常好，房間也很乾淨， 早餐豐富！ 值得推介

早餐,晚餐buffet一般,款式供應選擇不多, 餐廳工作人員不夠, 影響收碟清理,房間整潔，服務台人員有禮貌，非常helpful.

慶祝結婚週年， 帶埋仔仔 staycation， 前台職員服務好好， check in時想住有浴缸房， 職員都upgrade畀我， 好開心！ package包早餐和午餐自助餐， 自助餐食物一般， 不過以呢個價錢嚟講都ok嘅。 房間景色好好， 可以欣賞纜車 海景， 仲有黃昏美景， 感覺好舒適， 有機會會再來。

因為小朋友喜歡坐纜車，所以我們第二次book這間酒店連昂坪360的package，上次是下午在酒店check in後兩三點才出發去昂坪逛了一會六點就回程去酒店，今次我們決定第二天一早出發乘纜車去昂坪再坐巴士去大澳，因為是農曆新年在纜車站排隊等了大半小時，我們算早如果晚一點應該要等一兩小時，到達昂坪立刻就坐巴士去大澳，我們比較早大澳人不多，小朋友很開心，下午大澳開始人多，我們就坐巴士回昂坪逛一會再坐纜車回東涌酒店取行李返歸。

1000蚊包三餐，有upgrade，有海景，有浴缸，有late check out，十分滿意，有機會可以再來

今次Booking情人節非常開心?，首先講酒店的職員服務態度十分之專業、午餐的buffet食物都十分之平均好，食物好快跟進再加，同時為我們免費升級房、之後我們發覺房間十分之大、不過不是望向海，我們再落去同酒店的經理說、可否同我們換一間向海的房間，他沒有嫌我們的要求、立即跟進好快就安排到向海的房間，再者我真的要多謝JOHNNY NG前堂經理????????☺️幫我們的安排謝謝.

太太生日，一家三口staycation, 自駕遊，免費泊車一天，接待相當好，升級到20樓，女兒還有小禮物，房間十分好，進房已安排小蛋糕，十分好味！先來個中午自助餐，品種十分多，餐廳環境一流。黃昏直送上房間海鮮刺身壽司盤，份量夠，中午自助餐已食過，但質量好一點。第二天自助早餐中西式都有。總結十分扺玩，一定食得飽，值得推薦！

年29夜晚過嚟住一晚！地方超方便！樓下就係outlet！乜嘢都有得買！但係水壓太細！風筒唔夠強！唔鍾意開放式廁所！但係又優勝可以住到20樓！因為他最高是23樓！早餐自助餐唔錯！本來包夜晚自助餐！但因為疫情問題！所以改咗中午自助餐！這個價錢可以既！喺東涌附近可以踏下單車！環境優美！可以一試！

主要想吐嘈一下哩個黃昏送上房嘅海鮮刺身壽司拼盤，海鮮拼盤嘅海鮮基本上就係lunch buffet 會出現嘅食物，相比啲刺身同壽司，已經叫做比較正常。 刺身中嘅吞拿同鯛魚都比較出事，2樣都係唔知冰咗幾耐再解凍，冰到已經咩魚味都冇哂，剩下嘅就係雪藏味。最最大獲係啲壽司飯，我真係從來冇食過哩個口感嘅壽司飯，實在形容唔到個口感。淋patpat一舊嘢咁，大家可以睇吓張相感受下！建議大家都係準備好晩餐，費事臨急臨忙再換衫出去買。 撇除哩個海鮮拼盤，其實房間都算係可以嘅，但奇怪電視居然係低清嘅..... 最後要讚一樣嘢，酒店非常有效率嘅，亦都好重視住客嘅需要，因為我訂完第二日就收到酒店嘅電話，會確認你用餐嘅時間同埋房間嘅喜好！酒店?面staff都好nice!

今次因為媽咪生日，所以帶佢嚟酒店嘆吓，原本買嘅係自助晚餐加早餐，但到咗前一日還是限聚令，酒店就提議改自助午餐或餐卷之後再去食，我還是改午餐算了，但就問酒店想要浴缸同海景房，最後酒店都一一安排到，當日早到了亦可以提早check in，入到房間就個生日蛋糕仔喺枱上，媽咪就已經好開心了，感謝酒店嘅安排，酒店位置方便近地鐵，第一日同媽咪行大佛，坐360纜車，行outlet，第二日再去埋大澳，媽咪話好似去咗旅行咁好開心，但係酒店嘅自助午餐同自助早餐，就有待改善，選擇很少，味道一般，麵包同芝士硬過石頭，好彩晚餐我地都係喺超級市場買，非常多選擇添?

第一次跟小朋友staycation，因為生日酒店方面安排了小cupcake，職員詳細講解配套+upgrade 房間又可以2:00 checkout ，而且這個價錢食到三餐真是物超所值。 酒店位置亦很方便，有大型outlet逛逛、第二日安排了昂坪一天遊十分方便。

今次帶埋爸媽來staycation，順手慶祝佢地週年紀念，包了三餐，估唔到個下午茶咁大份，食到勁飽，很好的體驗！

客房相當寬躺, 乾淨整齊，景觀開揚。早餐豐富又美味，這價錢連昂坪纜車車票，十分超值，可以encore!

地點非常好， 在東涌站附近， 而且酒店與citygate outlet相連， 好多商店行， 去昂坪360也好方便， 職員好nice, 給我們安排16:00 才check out, 又免費泊車， 還有早餐、午餐buffet都吾人錯， 晚餐是送上房間， 不是太多， 但二人都夠食， 生日又有cup cake。 今次staycation非常滿意。

職員十分友善, check in的時候, 知道阿女生日, 立即送上 熊熊公仔, 生日蛋糕已準備在房內, 雖然房間不是很大, 床也很舒服, 餐廳食物 選擇很多, 晚餐 也有movenpick雪糕 ?

性價比非常高. hkd15xx 聖誕節連晚餐早餐. 不幸遇上晚市禁堂食, klook 和酒店方便很快提供了3替代方案, 而且可以由3 個方案選一個, 安排非常的好. 關於房間- 窗外景色很好. 而房間間隔非常有趣, 半開放式洗手間, 房內還有一條柱.

過往?????結婚周年紀念日一定出外旅遊慶祝?，但今年疫情?之下無得飛✈️ ，咁就Staycation東涌NOVOTEL一晚住宿包自助早餐+自助晚餐(但因為六點後禁堂食所以改為自助午餐)+免費泊車 酒店各服務員態度非常好，我早一星期打電話去訂房部通佢哋當日喺咱們結婚周年日，最後酒店upgrade咗行政房間?+ welcome drink ?+ 士多啤梨朱古力?? Check in 時 reception服務員都好耐心咁幫我解決問題 上到房間有驚喜嘅感覺除咗upgrade咗行政房間還有海景? 美中不足就喺晚飯要買外賣?返房食??? 不過最緊要太太覺得開心 ????

諾富特東薈城酒店的地理位置優越，隣近機場，附近有名店購物城，喜歡戶外活動的朋友，亦可計劃一、二天行山之旅。套票包括乘搭昂坪360纜車來回車票，可逛市集，天壇大佛，寶蓮寺，心經簡林，甚至大澳等名勝。

因為入住期間是結婚周年也是生日，酒店送了朱古力士多啤梨和cup cake，小朋友看到立即吃了！然後出發往昂坪360，拿著check in時給的換票信直接去欖車站櫃檯換票，輕輕鬆鬆就坐上欖車去昂坪市集，小朋友玩得很開心！

非常好，雖然房間感覺比較舊，但服務周到，所有職員有禮，我哋住行政樓層，我哋取房卡後，到房前，禮賓職員已在房間門口等，介紹房間設備，連門口執房姐姐也十分有禮，超讚！一定會再book! 另外我們有下午茶提供，因為疫情無開行政 lounge，所以送咗 welcome drink, 夜間同朝早buffet都尚算可以，當然唔好寄望有超多海鮮啦，但性價比高，服務贏哂！

性價比高，女朋友都好滿意安排✌? Klook是個旅遊服務平台，讓旅客可以輕鬆在網上訂購行程、活動、旅遊體驗等，而且一般上在Klook預訂的價錢都會比官網便宜和划算，更有中英文客服。如果大家在預訂過程中有什麼不明白，也可以馬上向客服詢問。

一入房間就見到枱面放左welcome snack(macaroon)同welcome card，感覺好warm。套房很大，尤其係廁所，有個好大的按摩浴缸，一流??。房間望出去景觀非常開揚，仲可以黎遠睇到飛機起飛。另外要讚下前台check-in職員同貴賓室既staff服務態度都非常好，感覺好舒服。唯獨自助晚餐選擇少，味道好一般，早餐反而好點，另外包的in-room afternoon tea味道還可以。

預訂方便很快確認。酒店性價比不錯，房間乾淨整潔，隔音好，床褥軟硬度適中，非常好瞓。前台接待人員謙遜有禮，有問必答，肯幫助住客解答疑問，入住同退房都好快。餐廳嘅食物對得起個價錢，但餐廳服務就可以用“災難”來形容，食客好多爆滿，但侍應應該唔夠，全程黑面發脾氣，同名揚四海嘅果間茶餐廳有得一比，如果你想係星級酒店體驗澳牛嘅服務，咁就可以去食下啦。

訂房時告知是慶祝周年紀念，酒店職員免費升級有浴缸的房間給我們。前台替我們check in的男職員有笑容、有禮，給一個讚。入到房間枱面上又有士多啤梨?朱古力?迎接我們❗️??? 酒店的自助早餐選擇不多，一般有的煎蛋、煙肉、麵包、粥、粉、麵、飯⋯⋯都有。生果有驚喜，老公說紅肉西柚很不錯，而且我們也覺得菠蘿和哈密瓜又甜又凍，美味❗️??? 吃完早餐帶兒子去泳池游水。水溫22度我已經覺得很涼，加上有風，所以我穿了泳衣也沒有下水。兒子慣了每天游泳，說一點也不凍❗️??‍♂️??‍♂️??‍♂️ 大佛去了很多次，但一家三口?‍?‍?還是第一次坐昂坪360，一程大概25分鐘，兒子很是興奮❗️??? 疫情中留港遊玩，用優惠價$1168買的套票，住一晚酒店連兩大一小酒店自助早餐和昂坪360纜車票，這個是不錯的選擇❗️??????

大堂職員有禮，我們11:00到逹已經有房??問職員最後退房時間，他可給我下午4:00?退房。另外預先通知酒店我們周年紀念，上到房間見到有窩心甜點?而且安排海景房給我?，房間整潔空間夠大。而且酒店喺商場樓上十分方便。自助早餐及自助晚餐不過不失?

酒店性價比高,位置適合連接大嶼山各景點,可以搭巴士．5O分鐘往寶蓮寺．大佛正維修、大澳睇中華白海豚．當日見到一大群．酒店房間乾淨,員工有禮．但欠USB叉电位．記要帶三腳电插頭．食物可以,雖然選擇不多,但味道還可以,值得推介

十分滿意 星期五六入住 ， 一早電話聯絡需求， 留底了車牌， 到埗後馬上認出車輛 幫忙提取行李及代客泊車 Check in 5 分鐘就完成了。 我們要求的是相連房 一早已說了一間是雙床一間是king bed King bed 要有嬰兒床，酒店一一紀錄下來馬上就有了。 同行有人生日，送上小cupcake。 晚上的buffet 不過不失，早上buffet 有點驚喜。 這兩天我們到了昂平寶連寺及愉景灣，天氣好好，老人家及小朋友們都玩得很開心 整體而言，酒店所有服務員都很貼心，勝價比很高的一家酒店，推薦！

酒店人員服務態度很好及準備一個小小蛋糕慶生日。酒店可以提早12點check in 及延遲至4點check out,這樣我第一日可以坐䌫車到寶蓮寺及後去outlet shopping，第二日可以到大澳去及去Taste supermarket 買食物回家，非常充實的staycation 。還有免費泊車服務，不過要早點預留車位。如果論價錢，早丶晚buffet 算合理(食物種類少、質素一般）。

整體服務滿意！酒店職員有笑容有禮，房間也很整潔寬敞。生日月更送上cupcake及生日卡，感覺很窩心！酒店泳池乾淨衛生，gym room 24hrs開放，唯自助晚餐食物選擇不多，相比之下，自助早餐不錯，味道ok！更有延遲退房至下午2:00，使我們有足夠時間在游泳後可以回房間沖洗及執拾行李！有機會一定會再來玩?！

12:30去到酒店大堂check in，排隊等了10鐘已經有房，跟著去吃中午的半自助餐，味道不過不失，然後上房間覺得很舒服，早上的自助餐有很多選擇，味道都很好，我過了一個愉快的假期。

酒店主動聯絡，幫客人預留車位，book埋晚餐訂臺，服務很好?。提出生日驚喜安排，酒店都安排度?！(cupcake真係好好味~~) checkin & checkout，酒店職員服務態度非常禮貌！遇到一些麻煩客人(隔離櫃檯)，都好有耐性☺️！12點就可以入房休息，退房是4pm。房間衛生都很乾淨，房景可遠望海景和纜車。晚餐同早餐都可以，有海鮮，refill都好快。如有機會，都會再入住?

客服會預早聯上客人，了解客人需要，能為每個客人，作出最體貼的安排，本人對客服的準備，非常滿意，酒店寛敞舒適乾淨，服務員有禮，食物選擇小了點，但相對價格，勝價比高，酒店房間基本設施齊全，窗外景觀醉人（有海景），價格絶對超值，值得一試。

唔到超滿意，商場直入就可以到達，4：00先check out 泊車可以泊到4：00免費，之後每個鐘收錢也不算太貴！第1天攞房後⁷游水因限人數，所以早些落去等，但不算等太耐！食晚上自助餐有長腳蟹……，主題做油金魚，螺，食物都比預期好，甜品就差dd,第2日食完早餐游下水，自己要去昂平行所以12點左右走人！總括物超所值，唔錯

估唔到超滿意，商場直入就可以到達，4：00先check out 泊車可以泊到4：00免費，之後每個鐘收錢也不算太貴！第1天攞房後游水因限人數，所以早些落去等，但不算等太耐！食晚上自助餐有長腳蟹……，主題做油金魚，螺，食物都比預期好，甜品就差dd,第2日食完早餐游下水，自己要去昂平行所以12點左右走人！總括物超所值，唔錯

本次套票的特色是住宿於行政客房的客人可以使用21樓的行政酒廊，行政酒廊地方雖然不大，卻是一個環境舒適的休息空間，內裏提供無限添飲的果汁、一些酥餅和盒裝名牌雪糕。 本次套票包含首日自助晚餐和次日自助早餐，本酒店的自助餐都是走平價路線，食物種類不多，凍海鮮亦沒有龍蝦和蟹供應，酒店甜品的味道一般，請不要抱太大的期望。 房間設計簡約舒適，服務員態度有禮，約有更便宜的優惠會考慮再次光臨。

房間舒適但略細,有浴缸,靚景。自助餐合格以上，有下午茶，M字頭雪糕任食。游池不大但舒服。地點方便購物一流,將戰利品放回酒店繼續血拼｡唯一缺點電視不是高清。但一切優點已蓋過缺點｡值得推薦入住!!