香港九龍東皇冠假日酒店 ｜ Crowne Plaza Hong Kong Kowloon East

環境清靜 房間整潔 配套齊全 交通方便 值得再去

今次慶祝妹妹生日，環境幾好，員工工作態度良好。

今次酒店有$1200餐飲回贈，可以按個人喜好選擇食物。。不過酒店前台員工好似唔係好識回贈計算方法，使check in和out都要一些時間，希望酒店留意留意。

超值抵玩

套票包埋自助晚餐，自助早餐，再加上一小時免費單車租借，幾乎是免費住，全部四星級以上質素，非常不錯的套票

房間整潔乾淨，舒適。但自助晚餐食品一般。自助早餐可以的。

食到飽飽阿 係差左個下午茶食唔到 房間乾淨 係對於我呢個新界牛黎講遠左d?

地點方便 酒店漂亮

有$1200飲食餐券，去了紫粵軒吃了晚餐，職員態度親切，會再來

十分滿意的Staycation 食好住好 周邊環境熱鬧，買嘢行街都方便 自助早午餐都豐富美味 生蠔?鮮美，不用排隊 雞蛋仔好味

房間清潔 景觀開揚 早餐超豐富及美味 高層西餐廳食物一般 適合打咭 員工親切有禮

房間升級，空間大，清潔整齊，冷氣凍，熱水超強勁，有意外驚喜

自助午餐及早餐一般 沒特別之處 不過不失 酒店房間大 慶祝周年紀念 有小蛋糕一個 免費一小時單車 剛好能在海濱那邊踩一轉

Staycation包含尚廚自助早,午餐，入住當日直接去尚廚先享用自助午餐，向餐廳櫃位職員報上姓名和手機號碼就可，自助餐款式不多，但中西日式都有，海鮮有生蠔,螺，蝦和青口，刺身有4款，壽司也有4款。吃飽後去check in，房間冰箱內4罐冷飲免費，前台再多送我們兩罐汽水，房間不錯，有浴缸也有ubs插座可充電，第二日早餐不錯，員工有禮，吃完早餐後去了gym room ，人不多，12點退房，總結是不錯的體驗。

性價比高

再次入住crown plaza hotel，因為性價比很高，買了take eat easy package，房間夠大，舒適，有浴缸。有$1200餐飲劵。晚餐食咗紫粵軒，幾好食。之後用剩低嘅credit 再補少少錢食第二朝早餐，早餐不過不失，整體滿意！

享受我們在那裡的時間

我們去了一個工作日。 ✓提早入住@ 2，晚退房@ 1pm✓迷你生日蛋糕✓浴缸✓面膜x2濕紙巾x2漢斯殺菌劑x1✓4罐飲料////////////// /自助晚餐：蟹腿，牡蠣，生魚片，蝸牛，牛排等。如果您是海鮮愛好者，那就太好了。如果您根本不吃冷食，那麼您沒有太多選擇。 （晚餐時提供了B'day蛋糕）☆請注意，僅提供茶和咖啡，但是您可以自己製作檸檬茶。絕對降低了酒店自助餐的價格，因為。 //////////////自助早餐很棒！喜歡它！ ////////////房間：很乾淨，但浴缸可能更乾淨。大窗戶。放鬆///////////////對於這個價格，沒有投訴。一切都滿意！對不起，idk如何在這裡上傳圖片！

不肯定是否因為經第三方訂購，而不是直接在酒店官網訂房的緣故，星期四 15:00 check-in，我被安排了極低樓層 (酒店樓高 47層，我入住 7樓)，排在我前後的住客分別被安排入住 1X 及 10樓，而我就是最差的，令我有點失望? 房間內空間感、舒適度及整潔度均符合期望，惟景觀稍遜，扣了點分數。 酒店附近有多個購物商場，方便補給。 自助晚餐有生蠔供應，雖細小但頗鮮甜，其他海鮮亦不錯；熱盤選擇一盤；甜品精緻又美味?? 自助早餐供應至 10:30，食品為一般大路款式，沒驚喜。廚子們都有禮貌，會熱情打招呼及為客人介紹並烹調食物。 一小時單車體驗可選擇於翌日進行，我們踏單車至海濱公園，路線簡單容易，風景也不錯? 回程交單車後向前檯申請了遲一小時 check out，時間很充裕。

房間空間大, 感覺頗新淨, 床輕微下陷, 但不太嚴重。request 房間位置,職員也盡力提供，唯 late check out 就只能延後半小時。因6:00後取消堂食,所以Dinner buffet 改為Lunch buffet + 中菜廳外賣晚餐。中菜廰水準不錯,令原本不太喜歡中菜的我們也很滿意。

因為訂了星幕午餐，所以1時20分左右check in, 未有人龍，front desk staff Pui Yap非常有禮，解釋亦很清楚，房間upgrade了，非常滿意，房間很大，亦很舒適。整個旅程很滿意，只是有2點不足，1是於紫粵軒叫了外賣自取，可惜沒有提供餐具，打電話0號要求提供，但是說要1小時後，幸好房間有西式即棄餐具，只是吃雞件沒有筷子比較麻煩。另外之前已通知酒店是慶祝紀念日，不過酒店沒有任何表示。

當日去到就食lunch buffet, 少有的lunch 有 生蠔, 但最近試過幾間酒店 生蠔不太理想, 有海水味 及有苦味, 冇乜人排隊, 最後 剩咗都冇人要, 食物種類都算多, 唔錯, 魚生有四款, 酥炸肋排好好味 基本上滿意, 但酒店侍應 服務不敢恭維, 食淨碗碟冇人執, 叫侍應攞牙籤有去無回頭, 裝湯啲碗冇曬, 無添加, 最後用飲檸檬茶嘅杯嚟裝湯, 在最後茶杯都冇埋, 問個侍應佢點我去另一個地方攞杯, 從未試過喺酒店有呢種服務, 仲有一個現象, 差不多所有客人 離開, 全間餐廳食淨碗碟冇人收拾, 只見侍應在玩手機, 另外三四個字喺門口吹水, 呢啲都係管理層嘅問題, 從來唔會發生喺酒店, 不過有一樣好, 可以外帶咖啡離開, 翌日 早餐buffet 就好唔同, 雖然早餐 種類 不多, 但還可以, 酒店服務恢復正常, 一食完嘢侍應即刻收拾, 再講酒店房間 比想像中大, 雖然係樓景, 但有段距離, 也不錯, 房內整 潔, 整體來說 成個行程也很滿意.

房間整潔，空間頗大，所以顯得電視有點細，房間已包$1200消費額，1樓自助午餐比較遜色，種類比預期少，選擇不多，連10%服務費自助午餐每位$370，本人認為絶對唔值，建議轉到2樓中菜廳享用午市點心更實在，自助早餐也是很一般，但晚餐有驚喜，值得一讚，因為疫情問題，所以6點後晚餐只能外賣到房間，order海南雞及鮮蝦意大利粉，雞很滑，還已去骨，每一口都是肉，很貼心，蝦意粉做得不錯，意粉有口感，蝦肉也很彈牙，味道很好。

食：包左4餐，補回百多元，下午茶星幕（要預先訂位，打卡好，有贈品送，味道一般，晚餐，pizza+漢堡，好食?，早餐buffet 不過不失，建議留返中菜紫粵軒食，午餐，紫粵軒食點心hea 下 住：房夠大，景觀開洋，有浴缸，自備浴鹽 行：附近有大型商場，donki 行吓，再遠啲有海旁 總結：性價比高，較充實，可以late check out到1點

服務態度佳，安排得當，自助午餐凍海鮮種類多又好吃(只是生蠔太salty),甜品整體很不錯，免費升級為行政房間，房間很大，我很喜歡!特別是有個很大的衣帽間，乾濕分離的浴室，我和老公每人浸了五次和除了寫字枱外，還有一張sofa和茶几好讓我們在房內用餐 翌晨的自助早餐種類繁多，味道也ok 4.5分 Recommend!

酒店整體服務很好，前枱員工很有禮及安排入住很快捷，亦細心講解各項注意細節。餐飲方面不俗，雖款式不算多，但味道不錯亦合我口味，最印象深刻是有專人為你"畢"雪糕球以及使用冰碗盛載，非常細心體貼！而單車體驗亦很好，單車很順亦很易上手，不是便宜貨，踩得很開心，職員亦細心講解路線，方便非本區居民能快捷了解行走路線。所有職員均值得嘉許，使我們有愉快的渡假旅程！

自助午餐非常吸引，食物新鮮，海鮮出色，早餐稍後欠款式，床很大，有浴缸，總括都抵玩，有機會一定再來，附近又有購物商場，仲可以踏單車，如有優惠會再幫襯！生日還有cake ,感動！

琴日去完四季，今日就近近地係將軍澳呢間酒店到個朋友慶祝生日～（2個人冇犯限聚令架） 咁因為佢都唔知我幫佢準備左呢間房慶祝生日，所以我地好夜先番房?但將軍澳真係好多野行好多野食，一啲都唔會悶，所以地理位置好好。 我地個套餐包左$1200消費～咁就上左星幕到食西餐，不過我地冇訂位，所以只好問佢可唔可以如果有客取消俾個位我地??又咁岩咁好真係有人取消！所以就上左去食啦！ 間餐廳既環境氣氛都好正，自助沙律同甜品吧既野食都好多種類，味道都唔錯～咁我地就叫左豬牛羊同埋pizza～食到好飽，食完唸住埋單個下突然餐廳職員拎左個蛋糕仔俾我朋友慶祝佢生日！個下我地好驚喜?因為都係臨時決定黎星幕食，冇唸過佢地好好咁送個蛋糕仔俾佢，不過個蛋糕味道真係好一般，食左兩啖就唔想食了???? 咁第2日可以late check out?我地1點先走～ 整體黎講呢個價錢都幾抵！大家可以去試下??

食了中餐廳的貴價餐，本來以為晚上才有，一問中午亦有。三個人剛剛過1200元，另補少少。談不上物超所值，只是物有所值，可以吧。另外房間舒適，可浸泡泡浴，職員有禮，不過原來生日慶祝只限正日並非像其他酒店該月份便可以。 另外，星期日尚廚自助早餐出色，我們兩人0815到步，客人不多，很寧靜，食物選擇比想像中多，質素雖普通，環境都有少許度假感。但到0900有特備節目，突然有一班拿著外賣盒的人沖出，他們動作超快，動作熟練，從旦糕到炒麵；面包到燒賣全部打包，連起初不太歡迎的沙律菜都突然清倉，令整個環境也緊張起來，連咖啡機都大排長龍，基本上到0915就如山竹過後的現場，職員補貨都補唔切，好彩我們都食到八成飽，本來打算飲多杯咖啡，最後都放棄回房間，建議未看過這情景的，可以一看，不過早些來餵飽自己先。

預訂了星期日&一staycation, 準時3點check-in唔多人, remark左生日想upgrade房間, checkin時都主動upgrade左比我地, 36樓高層好滿意。checkin後book埋下午5-6點單車體驗, 就去左47樓的星幕餐廳下午茶, 食物一般, 環境舒適, 下午茶加一約$305。回房休息一陣就到大堂取單車(單車數量不多, 約4輛), 到附澳南海岸附近的海濱, 黃昏海景不錯, 但星期日都好多。夜晚預約左星幕餐廳食半自助dinner, 食物及氣氛很好, 跟接待的小姐說生日, 佢地會係食完main course後送上生日小蛋糕, dinner加一約$875。$1200餐飲卷用完。早上在1樓的尚廚享用自助早餐, 食物有好多選擇, 亦有食物盒比客人拎上房食, 可能星期一早餐唔算多人。仲去左附近新開的donki行街街。總括好滿意今次staycation, 會考慮再去。

住宿環境比想像中好，房都幾大。下午茶一般，晚飯紫粵軒叫咗3人餐，不過個waiter好似好趕咁，成日想嚟收碟。食物質素唔差。自助早餐例牌嘢。最後仲有credit 叫埋個lunch攞走。整體上係抵嘅，食足四餐仲有得泊車。

超值staycation, 房間巨大，服務有禮。鄰近商場走不完。包括房內飲品。慶祝老公生辰，他十分滿意。1200元飲食消費，最後到尚㕑買多三盒才走。下次staycation 都會再度考慮。

这个套票，在舒適的房間連早餐，更包含1200元的消费额，在星幕觀景餐廳午餐，紫粤軒中餐廳晚餐，還在退房後再外賣兩份午餐取走，刚用完全部消费额，食足4餐，連住宿全程才一千三佰多元，而且是兩個人，真是超级經濟實惠的，所以非常值得推介。

房間比預期大好多，床尾放置了梳化還有書枱，房間窗戶很大，感覺開揚舒適。泳池不大，客人亦唔多，消費券到紫粵軒晚飯可以用於晚市套餐生日優惠亦適用，連加一約＄400一位，食物同服務質素都好好，早餐自助餐質素尚可。

這是我第一次的staycation,當天是我老公的生日，酒店前台職員有禮，同時亦為我們安排了較高樓層，酒店潔淨度量好，房間很大，有浴缸?，風景開揚舒適。$1200的飲食餐券都物有所值，我們有兩餐都在星幕享用，美中不足的下午茶自助餐較失望，賣相很好，但絕不推介吃。而晚餐方面都幾滿意，環境昏暗，氣氛浪漫，食物都滿意，份量很夠。其次餐廳都為我先生準備了生日蛋糕?，是有火焰效果，確是有驚喜。一小時的單車體驗都好好，很久沒有與老公踩單車?‍♀️，將軍澳海濱很舒適，景色優美。早餐自助餐建議一般，餐廳貼心有外賣盒準備，食物中規中矩。總括然而，套票滿意，價錢抵。

第一次staycation，沒有失望。前台和餐廳職員都親切有禮，也盡力滿足我哋嘅要求。房間很大，景點一般但也算開揚，唯一批評係電視set得太光，但setting mode block住唔可以調較，我哋要戴住黑超睇電視先唔會太刺眼，搞笑。$1200 credit 加埋已包嘅早餐可以吃足4餐。最滿意是Celio晚餐，roof top view好chill, 牛扒好嫩好juicy, 自助salad bar都好多選擇，贈送嘅火焰雪糕蛋糕好有驚喜。早餐麻麻，職員推餐車執拾時很吵耳，可以改善吓。天氣太涼冇游水，但瞓喺泳池邊都好舒服。一小時單車體驗，因為係星期一早上，路人少，都好relax。總括嚟講都好滿意，呢個價錢真心抵。

絕對超值，用包的那1200元飲食券，試了紫粵軒的飲茶，星幕的晚餐，尚廚的自助早餐（送的），退房時只超出百多元，這套餐絕對值得推介。紫粵軒食物好味，星幕環境一流，尚廚早餐普通自助早餐沒太特別但絕對吃得飽。房間夠大，雪櫃放著飲品送的，比預期中好，想放鬆一下會再入住的。

星期六3點check in, 唔算多人。好快拎到房。 拎完房第一時間去星幕食tea，建議最好book定，唔係會無位。個tea set 味道好一般... 茶做主題，但所有食物都食唔到茶味?但甜品唔會好甜，想hea下，都係個選擇。 天台戶外位置for飲野，叫多左杯咖啡飲? 食完tea，可以返房休息下或踩下單車，都可以選擇去下泳池/健身室，落去望過，唔多人，泳池有2個住客著住便服影相打卡?健身室完全無人。 晚飯㨂左食中菜，個三人餐幾抵食，老火湯好正，叫左個燒鵝，滑蛋蝦仁同京葱爆海參，味道都唔錯，有3款甜品，甜品就一般左啲。見隔離枱食盆菜，個樣都好吸引。 食完出去行下，附近係商場，遠少少有Donki... 返酒店嗰時，仲去左1樓買咗兩件細cake返房食。 早餐喺1樓尚廚食buffet, 可以堂食/外賣。食物唔算多款，但都味道可以，蒸點心就差啲，見啲人一盒盒打包走。旁邊有晒膠盒紙杯，可以隨便拎。 午餐call左一樓尚廚外賣，食物係快餐質素，唔會好差嘅。credit仲有淨，唔知點用好，買多左兩件cake食... 蛋糕味道普普通通，total食左4款，藍莓芝士餅較為好食。 房間都幾好，但枕頭有啲軟，景色一般，望樓下泳池同附近屋苑學校。洗手間：廁所一格，淋浴一格，外面有浴缸，都幾方便，但無門鎖。 整體滿意，1200蚊credit可以食到好多野，都有好多選擇。

3:00準時Check in冇咩人排隊，大約15分鐘之內可以拎到房，前枱職員好有心提我地記得同餐廳講生日有個小蛋糕送！ 間房好大好靚（有浴缸?及企缸），包左1200蚊消費劵食左晚餐同第二日午餐，星幕餐廳環境好靚，可惜食物中下水準！第二日尚廚自助早餐味道正常，紫粵軒有蝦既點心味道都帶小小腥味，楊枝甘露最好食?！ 不過整體泥講CP值係高既?

1200蚊好好用 晚餐食星幕 好吃 甜品一定要食呀 早餐自助 但我們就用外賣盒放完去番房工食 可以慢慢食 因為太多人了。麵包最好食 有餘錢買了尚廚的外賣回家食。

這是我第一次book staycation幫人慶祝生日，所有野都好適合我哋嘅心意。 房間大，有浴缸。一小時單車體驗，這個天氣踩，好舒服。夜晚就book了星幕半自助餐。星幕成個氣氛都好好，好適合情侶去。早上還有自助餐，選擇亦多，總體來講都好滿意，是一次不錯的體驗！

6:30先去到然後門口就會有人幫你泊架車 之後就check in 同上去食自助晚餐 雖然網上講明11月都唔會有冷盤 但大部分要食既海鮮都係煮熟晒 包括每人有一隻芝士焗龍蝦 我個人認為蒸長腳蟹腳同蝦係最好食 不過所有熱食款式都唔算多 都無蠔食既 壽司就只淨番幾種 第二朝既自助早餐 我覺得幾唔錯，都算ok好食 腸粉好快就比人夾晒?

Staycations 2 今次入住九龍東皇冠假日酒店，唔錯，真心抵住，服務整體來說都唔錯。$1300 多可以享用食、玩、瞓連泊車。房間都算大，雪櫃有免費汽水啤酒，用左$1200 credit試晒酒店三間餐廳，早、午、晚、下午茶同消夜都食埋?最後補左幾十蚊食左5餐。 星幕：下午茶（high tea) 紫粵軒：晚餐 (鮑魚盤菜餐） 尚廚：消夜（漢堡）早晨（自助）、午餐（雞飯） 傍晚借左單車踩左去將軍澳海濱長廊，早餐後再去埋健身室消化一下。 兩日一夜真的覺得放鬆，慢活。 P.S. 尚廚外賣寫住客有8折，但原來用credit 係無折嫁，但就包飲品一罐，留意！

這次入住的酒店位於將軍澳，地理位置很方便，地鐵站出來數分鐘可抵酒店，黃昏時更可步行至附近海濱公園欣賞日落。非常推薦大家購買這個優惠，除了住宿，還可於酒店享用早午晚三餐。我們於較早時間已經致電酒店預訂星幕晚餐，食物選擇很多，所以我們點了兩個set dinner，沙律及甜品都是自助的，主菜有四個選擇，份量很多，最後我們亦沒有享用甜品，唯有留待下次。早餐及午餐我們選擇了尚廚，早餐是自助形式，而午餐則可選擇自助或單點。由於我們選擇了自助，超出了餐飲消費額，所以最後要補貼差額，於按金扣除。整體來說，酒店環境舒適，適合情侶及一家老少。

超值之選呀！秋高氣爽，送踏單車是亮點，一個小時體驗足夠，泳池幾靚，可惜水太涼游唔到，係池邊瞓下都幾舒服，周年紀念，酒店升級房俾我地，幾滿意，原本晚餐卜了食尚廚步飛，酒店早一天電話通知步飛無海鮮冷盤，即是無生蠔，轉食紫翠軒中餐3人餐，叫埋多一位親友食，好食，不過套餐份量爭少少(2女1男);第二朝早餐合理，lunch食星幕半自助餐，牛扒好好食。重點讚揚，所有前線員工都很有禮貌，服務態度值得欣賞。

超值package?。房間空間算大，設備齊全，舒適，整體滿意。 ＄1200 dining credit，下午茶二人high tea,嘆咖啡,空中花園影靚相，接住踏單車一小時，沿海濱長廊單車徑，欣賞風景又可以出一身汗，身心舒暢。 單車靚，容易踩，好順。 晚餐享受紫粵軒三人套餐，三個小菜＋老火湯＋三款甜品糖水，水準高，美味滿足。推介明爐燒鵝（皮脆肉嫩），京川明蝦（大蝦爽口彈牙，京川汁調得出色）。老火湯，黑豆蓮藕豬肉湯，足料濃味，好飲。雖然是三人餐，但似二人份量，無論如何，兩人食，剛好！ 自助早餐豐富，款式算多及好食，唯一是蒸點心似行貨，難食，不推介。 早餐後，徒步去附近香港單車館和將軍澳運動場， 周邊公園綠化面積大，有水池，靚花圃供打卡影相 ，幾relax , 可惜當日星期二適逢單車館保養日期，未能進入參觀。這個旅程加深認識將軍澳這個社區，是另一種體驗。 午餐encore紫粵軒點心，錦鹵雲吞，炸雲吞脆口，醬汁竟然有大蝦叉燒魷魚，足料，屬意外驚喜。其餘點心，水準之上，非常滿意。 1200 dining credit, 用盡之餘，只超出38元左右，非常抵。 這個package超值, 亦符合staycation 的意義，吃喝玩樂之餘，周邊也有戶外活動，令人身心舒暢。

Check in 嘅女職員木口木面，乜都冇介紹，反而要自己透過klook評論先知有乜玩同點用1200 credit . 游泳池太凍冇乜人游，晚餐食星幕service好好但嘢食okay only, 唔值四百蚊一個人，尚厨外賣同自助早餐都好食。全程最滿意係張床同有得踩單車，第二人check out男職員同staff都好好。

Staycation 熱潮中，排一小時 check in 已很幸運了！成功安排到入住期間免費泊車！酒店設施大致不錯，我最近去過另外4間 Staycation 酒店都沒有浴缸，這次終於可以浸浴喇！只是要預時間搭電梯和排隊 check in和早餐！紫粤軒高質素！附送一小時踩單車都好好玩！

晚餐book 咗星幕，食飯質素 above average 。尚廚自助早餐食物質素平均，可惜腸類太乾，星期六早上8:00去到都唔多人，有外賣Bar 枱俾你packing 早餐上房食?? $ 1200 cash coupon 實在太好用！??????????

位置便利，有free parking ，1300套票包1200餐飲消費額，享用到Dinner Buffet及Breakfast Buffet 及自取午餐，房間夠大夠新，真心抵。

房間乾淨，洗手間和淋浴間分開，又有浴缸可浸浴，有齊必須用品，因為生日，送了所謂的生日蛋糕，原來只是5件馬卡龍，有少少失望，幸好買了有餐飲套票，可以自付費用買蛋糕慶祝。總括來說，這個package 非常超值！

酒店房間乾淨，消費额足夠吃飽，还有餘額外賣回家。意外的是:还有外賣儲印花換free room，今次訂了兩房，剛好儲夠18印花， 下月又可去一次酒店staycation。

很不錯，平日所以人不太多，單車體驗很棒，禮賓部的職員非常helpful，幫我們更改預约時間，不厭其煩讓我們試大車和小車，又指導路線，感激。泳池和餐廳的職員友善，天幕的晚餐環境和食物質素也很好，打包回家的芒果拿破侖十分美味??

套票實惠，價錢合理。是次購買這個優惠，是和老公慶祝生日。我們13/10入住，剛巧踫到懸掛8號風球，所以附近9成商場店舖沒有開店營業，只能留在酒店內。$1200的飲食券，我們使用了在尚廚的自助晚餐，還有剩餘的錢，便買了兩個小蛋糕吃(尚廚因前幾天有多名食客，食用凍海鮮後不適，所以自助晚餐全部只有熱食，稍為失望)。另外套票包自助早餐，購買套票前，留意之前客人入住的評價，建議早點食用，於是我倆便06:30到達餐廳享用，我們是第一個享用自助早餐。大約07:30左右，陸續開始多客人用餐，但未至於要排隊取食物。

房間整體乾淨清潔，check in員工有禮 晚上在星幕餐廳環境氣氛都不錯，食物質素滿意另有驚喜餐廳送出一個美麗火焰蛋糕給我們。自助早餐選擇豐富味道OK, 天氣太曬沒去踏免費單車，泳池感覺人人沒有口罩不太安全放棄了游水，check out前還有剩$換了個藍梅芝士蛋糕回家?早上仲可高空睇人家結婚?，總結：仟3蚊剩喺在5星酒店食幾餐飯已經值回票價喇。