香港港麗酒店Conrad Hong Kong | 海景住宿連法式雙人晚餐、早餐、下午茶及黃昏雞尾酒

同男朋友慶祝週年紀念所以join呢個package 房間裝修一般唔算好靚好奢華 但乾淨企理！ 因為係週年所以有送熊仔同玫瑰花裝飾 (package包) 住60樓海景房 景觀非常開揚 冇遮擋望曬維港 個view真係值得一讚！ 而且酒店服務非常好 house keeping 執房仔細唔馬虎 出門口後會將拖鞋放返喺床邊再喺下面墊塊布 趕住出門口化妝品一片凌亂 返到房竟然續枝企好排好下面又墊一條毛巾！ 細心！令入住體驗好好！ 雖然包既早餐 食物一般 選擇不多， Tea既味道一般 不過exclusive lounge喺59樓 個view又係幾正！ 而且staff服務好好！曹經理好細心 因為著裙坐喺矮櫈所以主動比咗條圍巾我遮住對腳 Staff亦會盡量安排客人坐窗邊 好滿意！ 同呢個package既重點 4道菜意大利晚餐 我地喺Nicholini’s食 氣氛幾好 有要求客人著smart casual 令我地更加投入今次staycation體驗 食物味道都有水準！服務一樣都好好 侍應會續枱觀察進度起菜 食完一樣先上下一樣 成個用餐過程好放鬆 唔會因為你係package客就趕頭趕命！ 整體來講今次staycation體驗相當滿意！ Package CP值高 值得推薦！

超抵！ 都可以話係香港住五星酒店既最後一間喇（終於都住哂?）呢個stay 係book 黎慶祝生日，吹咗兩次蠟燭?11點check in 酒店好好，安排咗我哋住61樓最高樓層，個風景真係無得輸！呢間酒店對staycation 既客真係好好！ 安排間咁好view 既房?package 包lounge 包三餐， 仲有晚餐！ 不過中午响出面食得太飽，只係食咗個晚餐同早餐乍，食物質素就基本啲啦。但都嗰句，個風景真係無得輸，高得黎又有維港景，又正中間，又welcome drinks 又朱古力，沖涼用品用上海灘味道正路，front desk 職員又好盡責介紹哂所有野俾我地， 好impressive

1. 價格超值，11時入住，14時退房，玩足27小時。 2. 入住高層海景房，房間乾淨整潔。 3. 黃昏雞尾酒，款式繁多，可盡情暢飲。 4. 行政貴賓廊位於59樓，居高臨下，飽覽維港景色。早餐，下午茶及黃昏雞尾酒均可在此享用。

第一次入住CONRAD，環境裝潢比較老派，前台STAFF都很友善，很快就可以安排房間，可惜房間樓層唔夠高，部份海景被前面大廈遮住，但房間整潔乾淨，電視會顥示顧客名，仲會送WELCOME DRINK同SNACK，清潔用品用上上海灘品牌，仲有Conrad熊仔送，非常貼心。59樓LOUNGE TEA SET海景一流，但食物一般。晚餐在1/F的Brasserie on The Eighth，食品有質素，磨菇湯好滑，鵝肝好濃，5成牛剛剛好，法式焦糖燉蛋一流，朱古力MOUSSE濃滑，整個staycation令人滿意，各方面都不錯，值得一試！

性價比吾錯，晚餐服務和品質吾錯，前臺和電話服務員都好有禮物。可惜我哋間房個海景比前面坐樓遮住大部份，我諗住五十幾樓就可能會睇到全海景，同埋我哋星期六去，吾知原來需提前約晚飯時間，所以安排了6~8pm比我，又同Cocktail時間5-7pm撞埋一齊，搞到两邊都末能盡興。下午茶原本上59樓望住靚景hightea，點知爆棚，要去宴會廳度食，個感覺差好遠^_^。 個廁所有浸味，浴缸塞咗(之後整返） 所以我建議大家晚飯一定要預約8點後，如果星期六嘅朋友着重景觀high tea既，就要早啲去59樓等位，感覺會好好多。早餐嘅話見吾建意59樓，因為選擇嘅食物比較少同埋可以去多兩個地方感受下。揀咖啡園係最多嘢食嘅，大堂都唔錯。 總括嚟講因為我當時嘅時間同埋人多冇得選擇地點，如果調整返，其實真係一間性價比吾差既酒店

一分錢一分貨，房間整潔值得一提的是窗簾遮光布，早上9 點窗外猛烈太陽也遮得很好，加上高床軟枕實在唔願起身。 各餐廳侍應殷勤招待，實在有賓至如歸的感覺。

今次個staycation都算幾抵，包左一晚海景客房同四餐，包括Brasserie on the Eighth晚餐、 executive lounge下午茶、evening cocktail同埋早餐。 今次我地第一日去4點左右去左59樓executive lounge食下午茶，直落5點鐘開始有cocktail同小食，食物種類都算多，仲要有酒飲同美景，5星享受！ 第二朝再去食埋早餐，仲有即叫即製嘅奄列同雲呑麵，唔錯！下個post再講Brasserie on the Eighth同埋Lobby Lounge嘅三十週年限定下午茶? .............................. Executive Lounge @conradhkhotel 地址?: 金鐘金鐘道88號太古廣場港麗酒店59樓行政酒廊 總評分: 8/10 .............................. 味道?: ⭐️⭐️⭐️⭐️? 環境?: ⭐️⭐️⭐️⭐️? 服務??‍?: ⭐️⭐️⭐️ 抵食?: ⭐️⭐️⭐️⭐️

住星期五六，住50樓，海景房要訓係床睇先靚，直望會失望，因為對面building好擋景。浴缸夠大夠長，我地身高172都夠浸。淋浴間無手提花灑，但個固定花灑水力好夠。浴缸有手提花灑，但拉唔到咁高。 個行政lounge人多到嘔，建議大家真係要好早去攞位，因為窗口位好少。如果怕多人，可以去地下garden cafe or lobby lounge到食，serve完全一樣嘅食物，即刻都係3層蛋糕架個種，無論係tea or evening cocktail。 早餐一樣3間都會開，今次排到行政lounge 窗口位，除非你好想食景，否則建議考慮去返地下個兩間食，因為個行政 lounge 好細，d野放得好唔集中，攞野食好唔方便。同埋10點半唔夠，有d野食晒就無再 refill 過。 晚餐去左 Nicholini's食，要靚位請早d同酒店聯絡，我地無，結果就算係第5 pair入場，都安排左去另一間室內房座，嘜景嘜氣氛都無，同出面餐廳隔絕左。食物係好食的。

員工服務好好

前台，餐廳，房務都服務好好。贊！下午茶都好靚。

第二次入住，完美的staycation，klook的優惠package超抵，疫情令港人可以親民價體驗五星级名牌酒店，遇上的每一位員工都親切有禮，服務水平無懈可擊。Nicholini's晚餐不能錯過；早餐可選在garden Cafe，很好！

好的經歷

老式酒店的好經驗。保持優質的服務和FB

酒店早一天便來電確認我們晚餐的時間，還提醒早上十一時便可 check in. 很開心房間位於最高層 61樓，可享無敵維港景色。酒店前台及餐廳服務員非常細心有禮，尤其是59樓行政貴賓樓層經理 Mr. Ken Cho, 他很有工作的 passion，值得一讚 !

地址方便 金鐘地鐵站 上去就到 房間舒適整潔 仲要望海 套票包4 餐 第一晚已經由下午食到晚上 質素唔差 價錢十分之抵 會再去??????

好享受

超级的服務，包括所有的員工，房間獲升级到高樓層，極佳的海景，法國餐廳食物水準亦很好，須然所配的三杯的酒要加錢，但亦覺物有所值，服務令人感到自己是VIP, 早餐及下午茶一般但服務仍是一流的

服務超好，食物好味，反而下午茶冇驚喜，evening cocktail 不不論食物及服務一流水準。

海景房間舒適 價錢超值 食足4餐 還有welcome tea and fruits

平日1點幾先check in 唔使等，入房休息一陣就去食tea，幾款甜點都好食，咸點三文治類就普普通通，對住維港景一流，staff仲主動幫等地影相。食飽冇耐又到cocktail 時間，飲咗兩杯加上配酒小食，好relax，估唔到today’s special有Parma Ham 同胞魚tart，正！意大利菜晚餐改咗去法國餐廳嗰邊食，蟹肉長通粉惹味好食，芝士螺絲粉有d漏，牛同魚都煮得唔錯，嫩滑，魚皮再脆d就更好，甜品tiramisu 好食！自助早餐正常水準，不過今日冇雲吞麵。整體感覺唔錯，係咁食個肚未餓過！

星期日入住，book了海景房，只有比較低層房間，正面完全被前方大樓阻檔海景，而且發現那房間浴室的水龍頭很緊很難開水洗手，後來我話想換房，櫃枱職員話，現在你的價錢就是現在海景的房間，感覺不似5星級酒店對客人的態度，跟住話未有高層客人check out,大概要6點後，感覺更差，但大概3點半櫃枱已通知可以換房，換房後感覺是另一回事，海景很美，因為跟太太是結婚紀念日入住，職員本會為房間預先做少許佈置，但最後要問起職員才有人來佈置，下午茶在59樓，海景很美，食物精美，打卡最好，後來的雞尾酒，食品不算多，但有很多飲品選擇，而且調酒師會主動建議試飲那種酒，非常親切，跟著就是晚餐，三文魚他他好好味，好建議食，牛就麻麻，我叫左medium,邊位我覺得熟左啲，魚扒我太太話好好食，食完返房攤喺床睇夜景，非常正

一個輕鬆的假期

由check-in，入住，用膳，都check out，所有職員都服務好好，好周到，令人有賓至如歸的感覺，晚餐不錯，但份量略嫌偏小，不過餐廳職員非常有禮貌又好笑容，令人感覺好開心

物超所值

由入住一刻開始已感受到五星酒店服務體驗.房間景觀面向維港海景,居高臨下,令人感覺舒適.由下午茶,雞尾酒,晚餐至第二天早餐.食物豐富.又可選擇不同地點進食.總括非常抵.

一個不錯的五星酒店體驗

不錯的入住體驗，雖然沒有仼何upgrade的東西，連歡迎飲品都沒有，不過都比左封道歉信，所有既職員都勁有禮貌，我們下午茶時間去錯樓層了，職員叫我們不用周圍去就我哋嘅自己一張台包哂來食，不過下午茶的食品真的頹廢！cocktails都唔錯的，晚餐真心100分，我們簡左inroom都系的野食依然好熱，唔會話凍同非常準時，約了八點送上房七點半就到了！真心幾好的

超值的享樂

酒店安排了位於57樓的海景房, 雖然天氣不佳帶有霧氣, 但無阻一覽香港的海景, PACKAGE包括了在行政貴賓廊享用下午茶, 黃昏雞尾酒及卞8樓餐廳享用4道菜晚餐, 而在其他時間亦可以於行政貴賓廊任飲咖啡, 簡直可以用食個不停來形容, 較為可惜的是游泳池因疫情原故暫停開放, 未能盡情享樂, 但整體來說都是一個非常滿足我staycation

很棒的住宿

該套餐包括多餐。一整天都在吃東西，直到你吃飽為止。優秀而專業的員工。

很棒的服務

食物真的很好，晚餐和早餐有很多選擇。工作人員真的很友善和樂於助人。我一定會再次拜訪他們的

難忘的經歷

非常好的食物，房間很棒，乾淨的住宿政策使我們感到遠離病毒。美味的晚餐，設施齊備的健康中心和優質的服務使整個住宿體驗刻骨銘心。特別感謝安迪（Andy），他是在大廳和客房服務團隊中提供幫助的人！他們為我的親人帶來了很多幫助。

Conrad 係老牌酒店，但酒店房間、設備好新，行華麗路線。 酒店好有心思check in 之後，有welcome tea、朱古力送，電視會特登寫客人個名，俾welcome message，仲有隻Conrad 公仔熊送. 房間設成完善，夠多usb 頭方便叉電，洗手間分浴缸、淋浴位，連洗手間都有電視、2個風筒，清潔用品係上海灘，靚嘅品牌。 成個staycation 包左係lounge 任食下午茶cocktail，但因為唔好酒，所以淨係食左下午茶tea set，食物水準不過不失，scone 係我最愛，整得唔錯，軟硬剛好，鬆得黎唔會太痴牙。 晚餐揀左法國菜，兩款湯好濃好滑，勁重龍蝦、同菇菌味，一試難忘，好出色！鵝肝脂香味重，配埋個汁，中和返?? 個牛就正正常常啦，無太大驚喜。 Dinner set甜品反而要大讚，法式焦糖燉蛋勁高質，又大份，面朱古力mousse 夠滑夠濃，甜苦比例啱啱好 因為個日男朋友生日，所以同酒店講，佢地免費送左個一蛋糕，款式就無得揀，不過都正正常常。 成個staycation 令人好滿意，各方面都做得好好，不愧為一間老牌酒店，值得試！

酒店服務人員親切有禮，由check in front desk 到餐廳職員也很親切，令人有賓至如歸的感覺！因為request 生日，酒店送上蛋糕，還十分幸運upgrade 到最高樓層61/F, 房間雖不太但超美海景一覽無遺～ 由於我們帶同3歲囡囡一起，酒店更特別為她安排小小兒童拖鞋、兒童牙膏、小浴袍給她，我十分欣賞這酒店細心安排！下午茶的茶點比較普通，沒有驚喜！晚餐&早餐也十分豐富！老公&囡囡也很喜歡這酒店?? well done!!

性價比高，包4餐好抵，但食物質素就唔好抱太大期望?唔係差嘅，只係無乜特別，任食所以飽肚，晚餐叫做最豐富最好食。 一入房感覺有啲舊，可能真係太耐無翻新裝修，但尚算乾淨。 雖然話upgrade咗做高層海景，但唔係成個窗都對住個海，比例2城景：1海景。 Staff態度都正常，無西面，check in check out都好快手。 送咗枝香檳，同送咗4粒朱古力，有啲生果食吓。 食tea要早少少到先可以有靚啲嘅海景位

呢個package 真係好抵丫，包左四餐……仲要因為Anniversary upgrade 左去60樓，同59樓lounge 既景觀一樣。 第一餐兩點可以到59樓食tea set, 除左酒類所有都可以任飲， 不過如果想坐到窗口位既就要早d落去排隊……而tea set既咸點比較好味。 食完無幾耐，就去P.P行陣好快到左四點，可以去泳池個層既garden cafe飲cocktail, 原來又包食3層tea set, 真係飽到上心口?。 由於6點後禁堂食，所以安排左in room dining, 準時七點送到上房，由頭盤，主菜，意粉同甜品都係有水準。 本身諗住去Brasserie 感受下法國菜，但原來留係房間一邊睇住香港美麗既夜景，一邊悠閒咁食晚飯，都係一次唔錯既過程。 p.s 由於係Anniversary, 酒店係我地去cocktail 既時候安排左心型花瓣及2隻bear bear既佈置，真係窩心。

入住當天是未婚妻正日生日?29/Dec，前枱職員窩心說聲生日快樂，然後入住50樓的海景房。Check-in時間約中午1時左右，大約用了20分鐘左右，尚算順利，屬可接受的範圍。 由於疫情的關係，afternoon tea 改為下午2-4；Evening cocktail 下午4-6。 我們大約2時上了59/F Executive Lounge享用afternoon tea，職員十分有禮及服務很迅速，所以很快便安排坐位。 Afternoon Tea 的食物是隨你refill，那一層都可以。個人比較鍾意中層，可能有煙三文魚?三文治?吧。不得不提是頂層的苺Tart，外層做得十分好，皮很脆，不易散開，絕對一流???? Evening cocktail坦白說，可吃可不吃，因為afternoon tea三層架都吃得飽，而值得一提是下層的冬䔹公餅，少少辣，做得不錯?? 而酒方面，你不要期望有很多選擇，而且是由職員為你調較（不是Bar枱那種），這個有點失望。 晚餐改由in-room dining，頭盤選了三文魚?他他、阿拉斯加腳蟹辣內戈腸直通粉，而main course就是香煎比目魚、香烤安格斯牛柳。 三文魚他他非常好味，配餅乾一起吃更佳?；通粉非常出色，不過蟹肉就比較少，整體不俗。比目魚不會煎得太老，而很juicy，很好吃。 唯獨是安格斯牛柳表現差，肉質太厚而很難咬開，是相對比較差。 整體來說，所有員工都好nice，服務好好，沒有什麼可挑剔。以這個價錢食4餐，真心覺得抵，物超所值 ??

有海景房，景色好，check-in不用等，好有效率。 包4餐，有tea, evening cocktail, 4-course dinner同breakfast, 食物質素不錯，晚餐值得讚賞，不過始終是送上房食物容易變凍。 唯一不足是房間設施較舊，另外evening cocktail很多人等候，executive lounge座位少，根本不足夠，結果很多人要輪候。建議早一點去登記。 整體而言是一個令人很滿意的體驗。

今次staycation 選擇了港麗酒店。我們到達時，很快便安排check in，房間在高層，看到海景，跟著到59樓層食afternoon tea，但是因為太多人，要再安排到Lobby Lounge 享用，有點混亂，tea-set十分精致，可以一試，隨後再往59/F Cocktail，有熱食和小食，酒類飲料可以自助或order，十分之隨意和有氣氛。晚餐要room-dining, 食物送到房已經不是很熱，牛扒美味，其他都ok，酒店還送了一支汽酒慶祝週年紀念。整體來說都滿意，值得一試。

Conrad HongKong Hotel *****星級，在港30年頂尖介酒店 氣派裝潢 很高樓底， 職員 親切有禮 這大廈最高61層，安排住59樓，入住房間對著一大全海景，天氣好的可以看日午晚最美景觀 在這 居高臨下 才清清楚楚看見這心愛地方 所在位置，最前是門常開，酒店旁 港島香格里拉酒店，中國銀行， 文華東方酒店，國金，中環碼頭⇐⇒ 尖沙咀碼頭，另一邊好近灣仔會展 一帶 Conrad hongkong hotel 在香港 地理位置 極佳，職員 親切有禮貌細心 令客人有賓至如歸感覺 ，59/f 行政樓層職員阿ken Good service

周年結婚紀念而預訂staycation package, 一早告知酒店作安排，平日check in 完全無其他客人，仲被upgrade 上61樓最高層套房，無敵海景。 因禁堂食所以法國晚餐轉午餐，食物無變，質素高，自家麵包好食，牛肉軟諗。 返房抖抖再食tea,59 executive lounge 侍應服務超好，到4點cocktail 時間又主動問駛唔駛沖杯cocktail 我哋飲，真係無介紹錯，Prosecco+grape liquor 好易入口。返到房仲鋪咗床同送咗支酒。 第二日早餐繼續去executive lounge 食，一如既往高水平服務。 Overall 酒店員工服務超水準，真係令顧客有賓至如歸感覺，港麗酒店係五星級除咗係地理位置同硬件，我覺得員工先係關鍵，係令客人想再住呢間酒店多幾次的原因。

雖然房間未能對正全海景（半海景）但一入到看到有chocolate and fruit 很窩心。跟住有人送了兩杯茶很貼心，因為當時真係好口渴?。休息一陣就上59樓享受high tea 所有drink 系可以refill 的，一面看到海景一面high tea真係好Relax?可惜因位置問題看不到日落。行了一陣間影下相又到dinner 今次四道菜真系非常美味????由於老公生日我哋仲order了一打Oysters 也非常新鮮和美味。餐廳環境、食物質素和服務態度簡直系滿分?⋯雖然$3200成個package相比其他酒店系好似貴咗啲。不過唔係每間酒店都一定提供海景房，仲要用呢個價錢去呢度嘅高級意大利餐廳吃四道菜同high tea set 仲包你兩人早餐又可以check out until 02:00 Pm真係冇得輸⋯⋯evening 仲有個小型蛋糕?送比老公！真係開心?⋯⋯

Klook 做優惠唔使3千蚊就有五星級的體驗！ 由check in 到check out, 滿意度一點點增加。 11點半去到check in需要等10分鐘左右，staff有安排我哋坐係沙發等叫號碼。 front desk staff 好耐心講解成個package 包咗嘅嘢，仲親自帶我哋去搭lift位，入房一陣就有welcome tea 送到房 (挑剔位係個茶壺崩咗個咀)。有JBL HiFi。 梳洗用品用嘅係上海灘品牌，味道都幾OK。浸浴仲有隻黃鴨陪住。 package 包咗行政樓層禮遇，早餐，下午茶同cocktail 嘢食選擇唔多，感覺還好。 晚餐揀咗係 Brasserie on the Eighth 享用，因為下午茶食完嘢，原本安排18:30 食晚餐改咗去 20:30 都安排妥當。法國餐有驚喜，main course 美國西冷牛肉非常juicy 同好香牛味，好中意嘅薯蓉有新鮮mayo醬味。 非常滿意今次體驗！

不是因為疫情也從來無諗過會在香港住酒店。今次揀Conrad Hotel staycation都係因為個package包個意大利餐廳dinner,可以做我同老公的Anniversary dinner。酒店是有點舊，但 location真係無得彈，我們房有seaview，非常正。所有staff都好friendly, 特別俾個like在意大利餐廳serve我地個staff, 超級細心。意大利餐廳Nicholini,s的4 course dinner好滿意，並不是行貨，作為一個celebration dinner非常適合。早餐selection不算特別多，但味道好。最意外的是义燒腸，好好味！！入住整體感覺有85分???

14/11-15/11入住，可能是星期六入住，等了差不多45分鐘才能check in.....下單時預先跟Klook及酒店說明跟老公慶生，要求較高樓層及一張大床......最後只係48/F.....大床non smoking room.....海景勉強也有吧！（好失望）房內設備較舊，房內及浴室電視接收好差，浴室既基本上係睇唔到。至於見comment有的鴨仔香檳等也沒有。 下午茶在lounge,tea set中規中矩，好彩早到不用排隊。 Cocktail在7 floor, 可能weekend太多人，staff服務麻麻。我坐係酒台前，聽到每逄俾完酒個客都話‘個個都問有咩好介紹，又話要甜啲.....’等埋怨，老實說，如果你有drink list咪唔駛客問人囉，同樣地坐係你前面既客就聽足你成個鐘既怨言。 晚餐選擇了Brasserie on the Eighth,食物質素同service都over expectation!對比其他酒店將貨就價既quality佢就完全冇依樣野。 早餐簡左係Garden Cafe度食，choice 同食物質素都好好；亦簡左坐係out door，可以對住泳池食早餐。

19/11-20/11入住，慶祝棉婚???，由於是平日，上午11時check in, 人數不多，只需等候5分鐘便由前枱經理完成入住手續，他很有禮，最後特地繞道出來把文件交到我們手上, 安排了60樓海景房。 為了表示房間已消毒，令住客安心，房門外貼上了Hilton sticker，步入房間，廣闊無敵海景盡入眼簾，電視機旁放了小熊，浴缸放了小黃鴨。 下午3時至5時：Tea time 下午5時至7時：Cocktail 靠窗的單向梳化位只有3張，另外有1張是4人卡位。我倆在下午2時30分抵達，坐到單向梳化位。下午3時，侍應逐一為客人送上層架Tea set，英式鬆餅美味，完成後也可以要求Refill。 Cocktail時段，多了肉类，還有cocktail bar, 由於我們book 了晚上6時30分的Nicholini's, 故此吃一round留肚了。 回到房間，已經完成了turn down service, 燈光調暗了，床上放了心形花瓣及兩隻小熊，還贈送了一支香檳，Anniversary 賀咭。 Nicholini's是意大利菜，9月下旬book房已特別要求坐booth，也許大部份住客選擇吃晚上8時30分的時段，因此很少人，其他食客也很斯文，浪漫氣氛一流，菜式美味，侍應會上前聊天，介紹材料及烹調方法，協助拍照。 翌日在LL 樓層品嚐早餐，薯餅，炸魚柳，白粥美味，太晚抵達要輪候，因為人數不能超過座位的一半。 早餐後休息一會，12點到泳池，只有2人玩樂，游泳一小時後便結束旅程。 整體而言，這package非常優惠，我只花了2496元（扣減積分後），享受了完美假期。 唯一美中不足是房間電視質素差，起格仔，tea time and breakfast侍應主動問我們要什麼飲料，但最後遺忘了, 要追。

無意中在網上睇到有關Staycation之短片，唔睇由自可，一睇就即刻搜尋有關童年夢想及本地出名酒店。 發現Staycation之價錢已經好貼地。當然，唔同日期，包唔包下午茶餐／包唔包晚餐，定係附送優惠券等等。我個人不太喜歡送優惠券之套票，因為根本唔知及無經驗酒店內餐廳之收費，究竟送一千完餐飲券足夠嗎? 到時要望住個餐牌就住就住食，那就失去Staycation之意義. 最後，我選擇咗港麗酒店，Conrad 是我其中一間喜歡之酒店, 一來地點好，二來我比較喜歡一個套餐內包含所有嘢及已安排好所有時間. 而且更可提早Check-In，可延後Check-Out.總括這次兩日一夜之體驗。房間Upgrade了，身於現場所見所感受比網上睇更好，下午茶餐正，雞尾餐邊飲紅白酒邊欣賞日落確實非常好，晚餐選擇了食意大利餐，確實感受到在一間高級餐廳食嘢，慢得來有序，而且真心的好食，見埋張單（雖然唔洗俾）但更加覺得這果套餐好抵。翌日之早餐，正常標準到不用多提

可能由於平日嘅關係 很順利完成check-in，更入住五十八樓王海景客房， 維多利亞港進入眼簾 ， 心情豁然開朗 。 金鐘商場逛街之後，回到executive lounge享用下午茶 以及黃昏cocktail。 Cocktail 食物尚可， 紅白餐酒任飲， 相信一定能滿足好酒嘅客人。 晚上於意大利餐廳，氣氛恬靜舒適， 食物美味 。 反而早上自助餐有驚喜， 因為之前見網友評語一般 在沒有期望下， 早餐款式多樣而美味， 望向泳池 在太陽照射底下波光粼粼 ， 在此環境享用早餐,心曠神怡 。

安排了57樓的房間 可以清楚望到海景 知道我們慶祝生日還送了一枝酒 我們2點半左右到59樓Executive Lounge 但已經full了 要到7樓去吃下午茶 tea set味道不錯 酒店職員態度親切 主動問我們要什麼飲品 又提醒可以refill 我們沒有refill 因為已經一個tea set架已經很飽 然後5點cocktail section 59樓也是full了 所以大家如果想去Executive Lounge真的要早一點去排隊 到了晚餐 有一杯welcome drink和前菜 welcome drink味道一般 不過沒關係 人家一點心意 整體晚餐真的不錯

今次慶祝老公生日及結婚紀念日！ （預早3日前致電）可以有生日及紀念日禮遇架！（例如安排：房景觀，生日字牌，晚餐時間等等）不過我就提前時間三日以上? 06:00-22:00游泳池開放時（LL/F)可以預早15mins在房打去預留位置，有位會call back（可以留房號或手機號碼）有空記得晚上影相留念，夜景美麗！ 06:00-23:00健身中心開放時間（泳池門口旁下一層）大致上設施齊備入門口右邊有水機！拍房卡入門前量體溫?️ 15:00-17:00下午茶時段： 平日提前15-20分鐘左右，窗邊位置絕對冇問題！ （早到！可以早坐低飲杯野～等到15:00有服務員逢上tea set（tea set可以單件或者full set refills )切記：食得晒先好嗌！飲嘢方面：汽水，果汁，同Tea Wg系列的茶（一整壷上亦得，慢慢享用） 17:00-19:00黃昏cocktail： 我同老公去咗59/F@17:45左右上去⋯⋯印象最深刻係服務員Mobi，如果你對Cocktail有興趣，可以同佢傾吓計&交流一下！今次我哋選擇：（我）mimosa cocktail & （老公）White russia⭐️Perfectmatch PS:cocktail Menu可以問服務員拎黎睇下，小食：熱食，生果，西式湯，凍食（有分開入門及出門位置） 18:30-23:00晚餐時段,我哋選擇：Brasserie on The English· Reservation：20:30（黃昏cocktail有小食及生果要時間消化?） PS:唔建議你要蕃茄湯！其他可以各一份與對方share? Check in:11:00 Check out:14:00 今次旅程⭐️時間充足☺️非常愉快? 慣常做法：附上相片及說明?

房間：景色好靚，雖然唔係超級大，但無論房間同浴室都夠寬敞，五臟俱全，如果有梳、橡筋提供就更好；welcome tea & fruit & snacks都好好，房內鴨仔同熊仔都可以免費拎走做紀念；床褥超舒服超好瞓，枕頭唔啱瞓可以問酒店換；電視比較老舊，像素較低，remote唔係太sensitive，所以都唔係好想睇電視 服務：check-in因為係weekend所以要等一段時間，但職員會派籌同安排座位，所以都等得好舒服，check-out好快速，幾十秒搞掂；打親落去service centre都好快有人聽電話；極大部分職員服務態度都好好，好為客人着想同細心；因為比較多booking，所以未必次次可以入到59樓個lounge食或坐到自己想坐嘅位，但都理解嘅，職員都會盡量安排 Tea：葡撻、brownie、蛋沙律多士、吞拿魚沙律三文治、火腿芝士三文治、英式鬆餅（原味及提子味）、飲品任飲；食完唔夠可以refill成個set，亦可以只refill某一兩款食物 Cocktail：小食任食，紅白酒任飲，唔飲酒都可以選擇其他飲品 晚餐：klook有餐牌可以參考；環境、食物及服務皆一流 早餐：多國式自助餐，食物refill得好快，質素比想像中好 排名：晚餐

超值！職員非常友善！十分滿意！ 兩日一夜包四餐 (high tea, cocktail, dinner, breakfast)，非常超值！ 酒店職員非常友善、專業！ Check in 流情暢順，職員安排攞籌，不用排隊，很快拿到房間！ 特別喜歡 Nicholini 意大利餐廳，優質服務！ 員工十分友善詳細介紹食物、飲品。 也很喜歡cocktail，在59樓看著海景享受飲品及小食，實在是賞心樂事。 另外，Klook online 客户服務非常 helpful 及有效率！

入住當天係紅日，11:30到達酒店，成個大堂已經坐滿人，等左大概20分鐘就可以check in，比想像中快！負責幫我哋check-in嘅酒店職員非常有耐性和禮貌，知道我地想要無遮擋嘅海景房間，好盡力幫我地安排，雖然等候過程比較長，但上到房，見到個景之後非常之滿意，大讚！ 15:00上左59樓high tea，因為沒有提早排隊，59樓已經full晒，就落左7樓。 鬆餅非常好食，重牛油香，頭頭尾尾我一個人食咗八個！鹹點就中規中矩，最上層嘅蛋糕，我就唔識欣賞啦，味道對我來講比較怪，對酒店嘅蛋糕有啲失望！ 到17:00左右，上返59樓碰下運氣睇下有冇位，好好彩有位，職員都非常貼心幫我地安排窗邊位。因為頭先high tea嗰陣食得太飽，簡單食左幾款熱食就算，都係中規中矩啦～酒方面可以自己任斟，職員好好咁主動幫我調酒添！我酒量差，飲咗三杯氣泡酒已經暈暈地，就上返房hea啦～ 上到房就見到床上嘅玫瑰花瓣，同氣酒，超有氣氛！ 到20:30，落去8樓食法國餐，真係真係太飽啦，不過係咁飽嘅情況下都覺得菜式優秀，員工服務優越，無地方可以挑剔！ 早餐食物種類繁多，中西日都有，食飽飽再上返房補眠，連午餐都唔洗食啊！ 非常極之滿意嘅體驗，果然冇揀錯港麗酒店作慶祝週年紀念日啊！

第一次嘅Staycations 感覺真的非常好，$2千多可以食足4餐連一晚5星酒店? 5星級酒店真係做到5星級嘅服務??每個section 每位員工服務都?????? 今次被安排入住59樓，景觀都算唔錯?? 早餐Garden Cafe 食物選擇多,環境開揚 下午茶就普普通通，但望住個海景可以彌補不足 Cocktails 時段有幾款熱食，可任飲 whiskey, 紅白酒、sparkling, 連mocktail都有 Brasserie 晚餐有4個course, 每一道菜都非常出色 下次再有優惠，必定會再來。

環境乾淨，舒適，可以暫時停下繁忙生活，好好休息一會。房間upgrade到海景套房，面向尖沙咀文化中心，景觀開揚，天朗氣清，令人心曠神怡。 入住當日是平日星期一 & 二，人流可以接受，唯一多人地方，就是下午茶用餐地點。晚餐質素一流。 儘管處於艱難時刻，酒店職員全部面帶笑容，有禮，主動提供協助，這種態度值得贊許! 加油!!!? 很幸運可以使用到健身設施，因為check out個日政府因疫情關係，全港健身中心要關閉。 下次會再入住?

慶生活動，酒店checkin時已祝生日快樂，非常貼心 去lounge食tea，服務員見拎住相機，好貼心介紹坐邊影維港景最靚（兩人sofa位），未有食物鄧先問飲咩 cocktail section 自助，Proseco 有氣酒任飲，芝士餐前小食齊全，見到服務員同熟客閒聊，記得晒熟客喜好，非常專業 dinner揀左法國菜，人唔算多（可能大家都揀左Nicoolinis） 上菜調好客人角度先上，真正高級餐廳做法，又提醒食客唔好掛住影相趁熱食鴨肝 房間望住維港景，又有熱茶蛋糕，好舒服，係枕頭麻麻（冇問到酒店拎枕頭）雖然房間唔算新，陣奢華味仲好濃 總體而言，食物服務舒適度都好有水準，不愧係屹立30年嘅金鐘三寶。

今次揀左喺cornad慶祝同老公嘅結婚週年，我地都好滿意。呢個價錢可以全日喺酒店休息同享受渡假。房間雖然睇唔到正海景，但都好靚。可能係平日嚟，比想像中少人，更加可以享受寧靜。Tea time時間早左一個鐘時間去lounge坐下飲下茶，staff都好nice。個下午茶覺得都OK。到cocktail 時間再返嚟，有小食同芝士配，其實相當唔錯。夜晚時間揀左食french fine dining，每一道都好出色。夜晚浸完浴訓得好舒服，早餐都係lounge食，款式唔多，不過不失。 So far呢個價錢享受4餐，再加上房間設備同staff嘅服務，真係非常值得。